Matan Taiping ka Alor Setar,
Handak tulak ka Pokok Sena,
Akok ngaran Si Wadai Banjar,
Gasan juadah babuka puasa,
Basurah Banjar kana balajar,
Urang tuha kada pati hawas,
Warung Wadai Kulaan Banjar,
Parak awan Masigit Lawas,
UNLAM - BAGAN SARAI
Dari Kalua ka Barabai,
Singgah satumat di Amuntai,
Jam tiga sudah sampai,
Di muka Petron Bagan Sarai,
Ujar toko sama wan kadai,
Kadua bahasa bisa di pakai,
Hotel Kulaan di Bagan Sarai,
Sarapan paginya roti canai.
Ujar di Banua itu Kijing,
Ujar Malaysia itu Karang,
Masak canainya dirinjing,
Ditambahi hintalo goyang.
Mari berpantun
Limbah subuh tulak mangopi,
Galuh Banjar jangan di ganang,
Amunnya rindu tunti badudi,
Bawa cincin tarus batunang.
Empat bersaudara gagah perkasa,
Bulan Januari kaina kami kasana,
Handak umpat bapadahlah haja,
Kaluku ha ada ganangan di sana.
Dari Muar ka Parit Sulung,
Dari Pirak tulak Sakinchan,
Paliat khas warga Tabalong,
Mahirip banar ilah sasangan.
Hotel Sinar di Surabaya,
Hotel Jelita di Tabalong,
Tahun hadap kita kasana,
Kita tulak pakat mamborong.
Dari Jerlun handak ka Segamat,
Sampai Ipoh baranti satumat,
Awak ringkut jalan batungkat,
Namun hati tetap semangat.
Dari Lumut ka Seri Manjung,
Taukeh santan Selama Perak,
Ramè bangat kita bakunjung,
Mudahan kada ada nang jara'.
Masing masing sudah di rumah,
Batis ringkut awak gin sakit,
Kurang padar nasi mantah,
Labih padar nasinya hangit.
Tulak Perlis bacari mangga,
Tangaharinya kita makanan,
Sakitnya bahu sabalah kiwa,
Sakit batis sabalah kanan.
Subuh hari tiada berbayang,
Mahu solat atau sembahyang,
Sudah sayang terlanjur sayang,
Bibir tersenyum terukir sayang.
Amas mirah intan sakarat,
Kapal di laut rumah di darat,
Mambarabak pandir umai harat,
Tapih bakarut baju bajarat.
Amas mirah intan saupih,
Dibawa Timanggung mantuk ka hilir,
Kada bajahit tangahannya tapih,
Duduk mancangkung dibawah mancuir.
Amas mirah intan sabalanga,
Balanganya pulang kada batutup,
Samuanyaan tahu ilah sarjana,
Sadangnya Sidin buta hurup.
Amas mirah intan sakindai,
Bawa mantuk ka wadah ading,
Asik bapandir pina marudai,
Wadai di piring ditanggung kucing.
Amas mirah intan sajukung,
Mudik ka hulu garusukan,
Lawas bapandir kada bahujung,
Sadangnya parut garurukan.
PUASA ANAM 1441H
Tanam jambu di higa paya,
Ambil dahan diulah palang,
Sunyi suung raya partama,
Kada siapa datang bailang.
Sunyi suung raya partama,
Kada siapa datang bailang,
Kada karasanan raya kadua,
Magun ada daging randang.
Kada karasanan raya kadua,
Bapuasa anam kita mulakan,
Diam rumah daham kamana,
Masuk Maghrib kawa makan.
Maulah soto sambal kacang,
Udal sadikit ka mangkok kaca,
Gangan bakaroh batil pisang,
Gasan pabukaan puasa kaina.
Tulak balalah ka Loksado,
Naik speda janganlah laju,
Tapai hijau badaun kato,
Manis malingit ilah madu.
Isnin
25.05.2020
PANTUN COVID-19
Ka hulu ka hilir,
Ka laut ka darat,
Bagawinya kulir,
Makannya kuat.
Arini kada bagawi,
Makan guring haja,
Patuh ujar menteri,
Diam dirumah haja.
Makan nasi kawah,
Jauhi Virus Corona,
Amun kaluar rumah,
Pakai topeng muha,
Nyaman lauk mandai,
Makan nasi surangan,
Mun limbah bajajapai,
Dilakasi basuh tangan.
PANTUN RAMADHAN 2
Pucuk kangkung diulah gangan,
Dimasaki awan humbut kaladi,
Assalamualaikum pian barataan,
Mudahan wagas awak manjadi.
Asal Gambut bagana di Kelua,
Ka Kutai lewatnya Kandangan,
Alhamdulillah mula bapuasa,
Mudahan tuntung Ramadhan.
Sudah lawas Badiam di banua,
Hidup bahagia basama kaluarga,
Sungguh indah di bulan puasa,
Perbanyak pahala mahapus dosa.
Buah hanau oh si buah kabung,
Kolang kaling buah yang sama,
Pajam mata kada mau taguring,
Taganang parak dah ari nak raya.
Umai ramenya bapandir di watun,
Imbahnya pulang mandi di kolah,
Lama sudah ulon kada bapantun,
Sibuk malayani online di sakulah.
Burung gagak burung halang,
Ke hulu ka hilir tulak balalah,
Mudahan lakas Corona hilang,
Kanakan arai handak sakulah.
Buah jambu si buah kuini,
Ambil kukuar lakas juraki,
Napinya dimasak hari ini,
Mudahan barakat barajaki.
Gagak itu hirang warnanya,
Bila ba bunyi kuat suaranya,
Bila corona hilang samuanya,
Kita gin bahagia bahari raya.
Tulak ka kadai manukar gula,
Talajur manukar buah kana,
Kita mancari banyak pahala,
Hagan bekalan bila di sana.
Anak pa'sian disuruh mandi,
Imbah mangaji bamain guli,
Mandingur babau iwak wadi,
Kambuh kanasi enak sekali.
Sungguh indah pantai Nongsa,
Pantainya indah ba pasir putih,
Sungguh nikmat babuka puasa,
Wadainya banyak kawa mamilih.
Pasir pantai warnanya putih,
Sakali mandi arusnya deras,
Ambil wadai jangan salah pilih,
Kada bagigi dapat nang karas.
Jamur itu sama awan kulat,
Ada panjang ada nang bulat,
Solat Subuh nya dua rakaat,
Sujud sajdah subuh Jumaat.
PANTUN RAMADHAN 1
Satumat lagi bulan puasa,
Ayo kita nyambut basama.
Anak Tulamak kambar dua,
Dingarani Sarah wan Sofia,
Bulan Ramadan wajib puasa,
Mahapus sagala dusa dunia.
Ka pasar manukar nangka,
Pas dimakan kada barasa,
Kalo pengen masuk surga
Raih taqwa di bulan puasa.
Kulak waloh kambuh nangka,
Lamak bangat dikambuhi gula,
Nikmat abadi adanya disyurga,
Amal baik jangan baulah dusa.
Kolak durian dikambuh ketan,
Lamak babanar kalu dimakan,
Akhir April sudah Romadhan,
Ayolah kito saling mama'afkan.
Ujar pang nya banyak baisi iwak,
Saikung-ikung kada da mawadi,
Ujar habar banyak nang handak,
Saikung-ikung kadada nang jadi.
Hebat-hebat orang Binuang,
Tukih gaharu wan batu bara,
Amun jadi ulunni mahadang,
Lakas lakasi datang bapara.
Uyuh bacari kada jua sugih,
Umur tuha jalan batungkat,
Babini dua gin upal basapih,
Inikan pulang babini ampat.
Batang paring sidaun bambu,
Katan rumbia diulahnya sagu,
Lamun kadua2 sudah satuju,
Ayuha pianlah nang badahulu.
Kuala Lumpur tuju kamana,
Selangor banyak sawahnya,
Amun akur handak basama,
Kaina rumah manyiwa haja.
Gugur tangga tapulanting,
Jatuh ka bawah taguling2,
Sanggupkah pian maniring,
Bahaup, sabantal gaguling.
Ujar pang nya banyak baisi iwak,
Saikung-ikung kada da mawadi,
Ujar habar banyak nang handak,
Saikung-ikung kadada nang jadi.
Hebat-hebat orang Binuang,
Tukih gaharu wan batu bara,
Amun jadi ulunni mahadang,
Lakas lakasi datang bapara.
Uyuh bacari kada jua sugih,
Umur tuha jalan batungkat,
Babini dua gin upal basapih,
Inikan pulang babini ampat.
Batang paring sidaun bambu,
Katan rumbia diulahnya sagu,
Lamun kadua2 sudah satuju,
Ayuha pianlah nang badahulu.
ÀKuala Lumpur tuju kamana,
Selangor banyak sawahnya,
Amun akur handak basama,
Kaina rumah manyiwa haja.
Gugur tangga tapulanting,
Jatuh ka bawah taguling2,
Sanggupkah pian maniring,
Bahaup, sabantal gaguling.
Tulak ka masjid tatap ibadah,
Malapas tanggungan kifayah,
Nang bibini biar haja dirumah,
Nang lalaki haja tulak jamaah.
Buah hatiku diluar pagar,
Marah banar makan hati,
Mandaras bahasa Banjar,
Supaya pian lakas ngarti.
Surah Banjar nya mudah,
Talk English nya is easy,
Amun pian rajin basurah,
It'll sure make you happy.
Lawas mahajan baharianan,
Akibat kerna kabungkarasan,
Bagus pitua gasan paingatan,
Kawa diamal amun pa'siaan.
Maulah bahulu pakai gula,
Ambil tapung parah santan,
Hai napa habar samuanya,
Salamat pagi kami ucapkan.
Mati lampu nyalakan lilin,
Ading balajar di balik tirai,
Ayu balas pantun kemarin,
Supaya kita lakas pandai.
Putih warnanya bunga melati,
Bunga mawar bawarna merah,
Kadatangan kalian ka grup ini,
Mambuat ia samakin mariah.
Nyaman bangat si sambal acan,
Makan bapatak di higa lawang,
Salamat datang kami ucapkan,
Gasan teman dari Kandangan.
Dari Amuntai ampah ka Tanjung,
Sabuah motor muat ba ampat,
Kami datang untuk maundang,
Untuk mandapat doa & salamat.
Makan nasi di dalam talam,
Landau nasi bakuah gangan,
Talalo lawas mahadang malam,
Kaluko kaina pang kapuhuhan.
Kasian Kaling bahira di puhun,
Kaluko gugur jatuh mancabur,
Jawaban di bari limbah dipuhun,
Kawa ai malam guring di dapur.
Tahi karas jadi bungkarasan,
Suap ganal jadi bungkalanan,
Bujur sudahlah jawapan pian,
Kada lagi pang lun kapuhuhan.
Dari banua tulakan balayar,
Balayar sampai ka Malaysia,
Si Kaling bisa bahasa Banjar,
Ada Banjar ba bahasa India.
Chit no saa si, ujar buhan Hokkien,
Neng song sam si, bahasa Thailan,
Limbah batunang kada jadi kawin,
Maungut surangan diatas palamin.
Limbah Subuh bagawi tarus,
Parah nyiur maramas santan,
Zaliha Awang Aishah Kuddus,
Saban pagi bakurihing tantan.
Matan kandangan bawa rantang,
Isinya kangkung liwar hibaknya,
Duduk surangan diatas batang,
Saikung ikung kadeda urangnya.
Duduk surangan diatas batang,
Saikung ikung kadeda urangnya,
Umai umanya napanya garang,
Gawi haja napanya nang ada.
Ka hulu ka hilir,
Ka laut ka darat,
Bapaluh dah liir,
Habis dah kudrat.
Ka hulu ka hilir,
Ka laut ka darat,
Bagawinya kulir,
Makannya kuat.
Arini kada bagawi,
Makan guring haja,
Patuh ujar menteri,
Diam dirumah haja.
Makan nasi kawah,
Jauhi Virus Corona,
Amun kaluar rumah,
Pakai topeng muha,
Nyaman lauk mandai,
Makan nasi surangan,
Mun limbah bajajapai,
Dilakasi basuh tangan.
*JALAN BANJAR*
ISNIN 13.04.2020
Tulak ka pakan nukar tantaran,
Handah maunjun di Bukit Cina,
Salamat baisukan pian barataan,
Mudahan wagasan bebas corona.
Anak sapa duduk di papan,
Duduk di higa buah kastila,
Pagi naya napanya sarapan?
Diganang jualah ulun di sia.
Daun salasih si daun pudina,
Gasan parasa masak balamak,
Parak sabulan di kuarintina,
Parut baganal awak balamak.
Kahulu kahilir,
Kagunung kadarat,
Lancar pandir,
Bapantun gin harat.
Ka hulu ka hilir,
Kapaya kadarat,
Kayapa manggilir,
Mun babini ampat.
Solat Isya ampat rakaat,
Dua menit satiap rakaat,
Amun hidup pian rakat,
Kawa ja guring baampat.
*PANTUN MAHADANG PUASA*
Ular sanduk ujarnya bawisa,
Kana patuk kadada tatamba,
Iklhlaskan niat dalam puasa,
Mudahan hapus sagala dosa.
Harang dibakar manjadi bara,
Tabakar habis kadada basisa,
Kita saiman tapi dua nagara,
Lun ucapkan salamat puasa.
Pohon baringin daunnya labat,
Di bawah pohon kucing bakarat,
Untuk karabat dan juga sahabat,
Salamat bapuasa samoga sihat.
Tulak ka pantai, pantai Jakarta,
Lautannya barkilau macam kaca,
Orang di kampung dan juga kota,
Sunyaannya arai di bulan bapuasa.
Bajalan-jalan manukar pulsa,
Bulik main mamakan katupat,
Janganlah lupa ibadah puasa,
Agar pahala kita dapat balipat.
Anak Banjar mangalau haruan,
Baulih saikung nang kalacingan,
Kita mahadang bulan Ramadhan,
Mohon maaf jua lun sampaikan.
Intannya barsinar girap-girapan,
Digandingkan awan batu barlian.
Bulan April sudah hai Ramadhan,
Salah dan silap mohon dimaafkan.
Baulih bini nang bungas rupanya,
Asal usul mamanya urang Kalua,
Ramadhan kini parak awan mata,
Mari tingkatkan Iman dan Taqwa.
Kambang sataman di higa rumah,
Di tangah taman barbagai hiasan,
Baunya Ramadhan tacium sudah,
Makan minumku harap dihalalkan.
Mamanjat pokok jangan tinggi,
Amunnya jatuh siapa yang rugi,
Barsihkan hati mansucikan diri,
Nyambut puasa kada lawas lagi.
KD / 08 April 2020
Baburu kijang ka tangah hutan,
Rusa ditinggal dimakan macan,
Salam pinandu pian sabarataan,
Assalamu'alaikum lun ucapkan.
Sarapan pagi mamakan bakwan,
Bakwan dimakan barsama mama,
Rame' pang hatiku bisa bakawan,
Mudahan kita rakat sa-iya sakata.
Jaga kabarsihan kada bakuring,
Eloklah mamakan buah dalima,
Kaum Hawa bila bangun guring,
Basilat di dapur kaya panglima.
Jaga keberihan kada bakuring,
Elok ai mamakan buah delima,
Sambil menaip ulon takurihing,
Taingat bahari papadahan uma.
Sadapnya makan gumbili jalar,
Makan baduaan dikabun sawit,
Adap bakawan jangan pamalar,
Mudahan la pian banyak baduit.
Sadapnya makan gumbili jalar,
Makan baduaan dikabun sawit,
Ulun kada pang suah mamalar,
Mudahan ulun batambah baduit.
Burung balam tarabang kaawan,
Limbah kaawan lalu pang hilang,
Amunlah sampian jadi darmawan,
Hadangilah kaina kami bailang.
Burung balam tarabang kaawan,
Imbah kawan ka dahan pulang.
Amun isuk pian datang bailang,
Udah pasti ulun sadia mahadang.
Alhamdulillah kita ucapkan,
Semoga Allah mengabulkan,
Amun damintu pian ucapkan,
Kami badadas isuk tulakan.
Alhamdulillah kita ucapkan,
Semoga Allah mengabulkan,
Huma raminya hadak balalahan,
Asa kapingin umpat baimbayan.
Alhamdulillah kita ucapkan,
Semoga Allah mengabulkan,
Ke rumah ulon masa bulikan,
Boleh haja kita bamakanan.
Alhamdulillah kita ucapkan,
Bisa balalah kemana mana,
Itulah narannya bakulaan,
Sayang masih lockdown corona.
Alhamdulillah ulun ucapkan,
Kaina balalah kemana mana,
Itulah ngarannya bakukulaan,
Ulun bawa ka Thailand sana.
Wadai apam manis rasanya,
Dijual oleh galuh nang bungas,
Sarapan pagi bersama sama,
Soto banjar pulang menunya.
Sarapan pagi bersama sama,
Soto Banjar pulang menunya,
Arini handak tulak ka mana,
Kami disini dirumahan haja.
Wadai apam manis rasanya,
Dijual oleh si galuh bungas,
Diam di rumah apa rasanya,
Apa jawapan si galuh bungas.
Kayuh sampan ka Barangas,
Mangikih ilung higa mahiga,
Apa ulahan si Galuh Bungas,
Mamingkuti burung abahnya.
Kayuh sampan ka Barangas,
Mangikih ilung higa mahiga,
Umai ramenya Galuh Bungas,
Luko takamih burung abahnya.
Galuh bungas babaju habang,
Kakamban putih dibahu kanan,
Guling guling diatas ranjang,
Mahadang waktu bamasraan.
Galuh langsing mambuka kantin,
Jual minuman bakambuh jamu,
Pantun ini khusus pangantin,
Baudak bagumul sampai layu.
Amas putih si amas suwasa,
Gasan hiasan si anak raruna,
Allah pancipta Maha Kuasa,
Atas sagala yang ada di dunia.
Parintah bakurung umpati haja,
Itu tandanya rakyat yang bijak,
Walaupun solat dirumah haja,
In sya Allah pahala jua banyak.
Sarapan pagi wan pulut sarunding,
Iwaknya hundang basambal habang,
Pantun basambut hatipun sanang,
Kampung halaman taganang ganang.
Puhun nyiur badahan sambilan,
Puhun rumbia nang disubalah,
Dasar bujur papadahan pian,
Bapantun kita nang bapaidah.
Urang banjar di kota Johor,
Sudah lawas bakabun longan,
Kalau banjar handak tasohor,
Mari kita ba gandeng tangan.
Wadai apam awan pupudak,
Nyaman dimakan sa dikit sadikit,
Walau dirumah kada bagarak,
Supaya corona kada bajangkit.
Biarkan orang basurah garang,
Kita basurah balamah lambut,
Biarlah kurang harta dan barang,
Asalkan sikap manurut yg patut.
Kanapa banyak org tasasat,
Karena tak mau duduk mangaji,
Kanapa banyak dandam kasumat,
Karena tak tahu sunahnya nabi.
Kanapa banyak org malarat,
Karena kulir bakarja karas,
Kanapa karja kada manfaat,
Karena amalan tiada ikhlas.
Jangan suka iri mengiri,
Org pengiri hidupnya malang,
Jangan suka lupakan diri,
Yang lupa diri dibenci orang.
Amun hati suka badandam,
Lama-lama manjadi panyakit,
Amun mangarti ajaran Islam,
Kamana tulak kada tahimpit.
Bila hati suka badandam,
Banyak sahabat manjadi musuh,
Bila mangarti ajaran Islam,
Dunia akhirat hidup senonoh.
Bila hati suka badandam,
Sasama saudara bapacah balah,
Bila mangarti ajaran Islam,
Hidup sajahtara tiada menyalah.
Kota marabahan di kalimantan,
Banyak bubuhan di Tambilahan,
Mudahan kita wagas barataan,
Ada kasampatan kita batamuan.
Gangan humbut gangan kaladi,
Lauk makannya si iwak wadi,
Mandangar barita nang wayah hini,
Kada salahnya kita mahawasi diri.
Sagan apa sagu diparut,
Sagan makan anak baranak,
Sagan apa ilmu di tuntut,
Sagan kabaikan orang banyak.
Sagan apa sagu diayak,
Kalau kada sagan dimakan,
Sagan apa barilmu banyak,
Kalau kada gasan amalan.
Asik mambaca pantun pian,
Asa handak maulah jua,
Dimana bagana asal pian,
Ulun ni tatap di Malaysia.
Anak walanda tulak kahutan,
Tulak kahutan bakayuh sampan,
Bujur banar pandapat pian,
Biar rakat yuk bapantunan.
Lun lahir di Enok dalam,
Kada jauh dari tembilahan,
Lun bagana di pulau Batam,
Mun Malaysia kita bejiran.
Pian bagana di Pulau Batam,
Mun Malaysia kita bajiran,
Asa handak badapat ikam,
Biar lakas bulan hadapan.
Bujur banar pandapat ikam,
Biar rakat yuk bapantunan,
Nasi lauk dalam talam,
Yuk kita sama makanan.
Banjarmasin di kalimantan,
Banyak lahir guru yg alim,
Amun handak batamuan,
Bawa sekalian busu Ulim.
Amun handak batamuan,
Bawa sakalian Busu Ilim,
Handak tiket ku tukarakan,
Agar sidin kada bakulim.
Iwak haruan dari pontianak,
Dibawa urang ke malaysia,
Walaupun jauh rasa badansanak,
Sakit dan sanang sama dirasa.
Walau jauh asa dangsanak,
Sakit sanang sama dirasa,
Ada rajaki ulun tulak,
Badapat dangsanak disana.
Kuini babuah hanyar,
Kuini miring kabatang kapuk,
Ulun ini urang Banjar,
Damini badiam di Depok.
Kota Depok Jawa Barat,
Tulak madam dari Banua,
Pantun pian dasar harat,
Kaina ulun tunti ka sana.
Ulun hanyar tulak ka RAKHA,
Rakha itu di daerah Amuntai,
Sheikh Barkatullah ada disana,
Mahadang kami waktu sampai.
Rashidiah Khalidiah dibari nama,
Ramai santrinya kada sakira,
Rame banar bakunjung ka Banua,
Teman samua mangako kula.
Siri 2
Handak duduk dalam berunding,
Kadalah suka memandai-mandai,
Handak duduk balum basanding,
Kadalah suka berandai-andai.
Amun kada ada ayah wan ibu,
Kada ada yang lahir kita ka dunia,
Kalau baragama kada manantu,
Di yaumil akhir hidup marana.
Supaya Tuhan kada murka,
Jangan sakiti ibu dan bapak,
Supaya iman kada tercela,
Jangan barantat mangaji syarak.
Baik-baik maraut sambilu,
Salah raut tangan taluka,
Baik-baik manuntut ilmu,
Salah tuntut badan calaka.
Dadai baju di atas papan,
Baju ulahan kain kasa,
Silakan pang tuan basarapan,
Hari sanayan kami puasa.
Senin wan Khamis pian puasa,
Amalan sunnah junjungan baginda,
Alhamdulillah banyak pahala,
Mudahan masuk ka dalam syurga.
Hayam jagau di barumahan,
Hayam bini di kataraan,
Hayam mana yang basaungan,
Hayam mana nang baranakan.
Hari kadap di lindung rakun,
Kakanakan duduk di watun,
Banyak2 maaf ulun batakun,
Nang ini syair atawa pantun?
Nang mana syair nang mana pantun,
Pantun berbait sukukata tersusun,
Syair menarik gayanya santun,
Mari balajar dengan tekun.
Susun galagar di tungkaran,
Andak paku di bawah tangga,
Urang Banjar sunyaan kulaan,
Walau di mana jua barada.
Urang Banjar sunyaan kulaan,
Walau dimana jua bagana,
Mudahan pian sihat barataan,
Disaat Corona sadang malanda.
Minuman haram marusak aqal,
Aqal nang sihat jadi wangal,
Ayu cari makanan nang halal,
Banyak haja urang bajual.
Gangan waloh santan kalapa,
Ikan karing sambal balacan,
Kalau salah ayo disapa,
Supaya jangan ada bakasalan.
Gangan waloh santan kalapa,
Ikan karing sambal balacan,
Sahibar marawa kada pa pa,
Asal jangan basasarikan.
Tarabang burung sampai jauh,
Piungut lain burung pialing,
Saban hari bagangan waluh,
Sisingut Kai babalang kuning.
Saban hari bagangan waluh,
Sisingut Kai babalang kuning,
Ulun katuju gangan bakaruh,
Tuntung makan langsung taguring.
EDISI 3
Mamuai wanyi tangkainya runtun,
Wanyi dipuai di atas gunung,
Mari kita baturai pantun,
Mahaur-haur hati nang bingung.
Pucok paoh dalims batu,
Anak sambilang di tapak tangan,
Ulon jaoh pian gin jauh,
Kabilakah kawa batamuan.
Kalalawar tarbang ka hutan,
Tarbang kahutan mancari makan,
Mun ada tasalah bapapantunan,
Muhun kiranya bamaaf maafan.
Tagugur halang taranjah balam,
Wayah badua tarabangan,
Tabujur tahalang barabah di tilam,
Mangganang abang kada baguringan,
Tanam padi tanam kenanga,
Tanam jahe didalam kampit,
Sungguh dasyat virus corona,
Bagana dirumah kada baduit.
Sungguh dasyat virus corona,
Bagana dirumah kada baduit,
Diam di rumah jangan kamana,
Susah payah sama sama diarit.
Kulaan banjar dikuala lumpur,
Dapat batamuan di bukit bintang,
Bila boleh panjang umur,
CORONA hilang kami badatang.
Virus corona sudah menerjang,
Kita bersabar jangan membangkang,
Awak kurus karna dikekang,
Virus hilang hatipun sanang.
Manungkar papan untuk membangun,
Cari yang bagus dipilih pilah,
Apakah dansanak sudah terbangun,
Mari ucapkan alhamdulillah.
Pergi ke makkah untuk umrah,
Carikan ulun minyak zaitun,
Kalau dansanak ta bangun sudah,
Ayowan bamula kita bapantun.
Manukar papan gasan mambangun,
Cari nang bagus gasan pagar,
Tumatan tadi sudahai bangun,
Balum bapuat masih mamadar.
Cari kaca gasan lulungkang,
Kaca disusun batitingkapan,
Hari Salasa pian bagawian pulang,
Kami pansiunan manulakakan.
Urang pensiun almanaknya habang,
Badiam dirumah ungkang ungkang,
Amun balanja banyak bahutang,
Setiap bulan banyak yang kurang.
Hari salasa tulak bagawi,
Hari rabu libur manyapi,
Karena hari tanggal merah,
Badiam haja didalam rumah.
Jalan yang licin karena hujan,
Hujan turun adalah rahmat,
Corona datang adalah ujian,
Agar kita banyak berhitmat.
Buluh ditata diampai ampai,
Dapat Diulah sebuah kursi,
Bila balum tatamu yg sesuai,
Coba cari yang serasi.
Kursi Diulah dari buluh pipih,
Duduk badua sampai rakai,
Bila balum dapat yg pilih,
Coba badatang keamuntai.
Puhun durian rabah ka tuku,
Marakai tawing wan hatapnya,
Pantun pian jangan difutu,
Mahabisakan mimuri wan pulsa.
Puhun durian rabah ka tuku,
Marakai tawing awan hatapnya,
Ulun mamakai text on photo,
Amun barat di hapus haja.
Dua inanan walatung saga rumpun,
Saga rumpun tasipak bapa,
Dua harian ulun kada bapantun,
Taga ulun manyimak haja.
Amun ulun dasar okey,
Kanapa pian baranai haja,
Adalah pian baisi manday,
Amun ada di sanga haja.
Dua harian kada bapantun,
Taga pian manyimak haja,
Ulun ni tarasa kada purun,
Pantun ulun kada sampurna.
Puhun pakis rahat ditumis,
Daun pakat sulur barampun,
Pantun ditulis saat garimis,
Mudahan rakat banjar bapantun.
Puhun pakis rahat ditumis,
Paqad kaladi nyaman disayur,
Hati dandaman handak tatangis,
Batamu ading banikah salajur.
Uma uma balah sumangka,
Biginya hambur kadulang,
Uma uma pilih nang kaka,
Nang ading rarangan urang.
Uma uma pilih nang kaka,
Nang ading rarangan urang,
Biarlah ulun tasarah haja,
Manarima labihan nurang.
Bakul lupu batali kawat,
Cagar manajur ikan haruan,
Pacul bahu bagawi barat,
Cagar manjujur hagan tunangan.
Pohon kaladi di belakang rumah,
Banyak balalang hinggap batang,
Amun panat bahinip dirumah,
Bawa balalah diwaktu patang.
SIRI 4
Mandai asalnya kulit tiwadak,
Disana oleh umanya diyang,
Bapantun kita sampai muak,
Asalkan bisa tertawa riang.
Hati hati mun tatamu biawak,
Bisa diigut dibairnya kadarat,
Hati-hati makan bigi tiwadak,
Bisa takana nang asam urat.
Saluruh dunia siap siaga,
Karna ada bahaya korona,
Kita ini harus bajaga jaga,
Supaya talapas dari imbasnya.
Kikicak, gayam, wadai kiping,
Ada jua ngarannya mata sapi,
Sunyaan suah haja maniring,
Di sini,diBanua suah marasani.
Nyiur nya anom rahat hintian,
Gasan hinti balungan hayam,
Rahat dimana kulaan papadaan,
Basiap siap maampah malam.
Durian luruh di higa kolam,
Limbah dijatu lalu dikuyak,
Napang diulah diari malam,
Ulun ni takutan ilun tataguk.
Anak halui katuju baimpu,
Nang abah kapingin baasuh,
Lakas nya handak ka kalambu,
Handak guring batis dibasuh.
Tiwadak masak jangan diasuh,
Luku dikintip ular puraca,
Handak guring batis dibasuh,
Jangan kalumpanan tiga kul dibaca.
Kada karasanan arini Arba,
Wabak Corona masih haja,
Sudah saminggu kada kamana,
Bubuhan di Banua samakah jua.
Nyamannya Wadai Kararaban,
Dimakan badua awan umanya,
Apa habar bubuhan sabarataan,
Tarutama urang banjar Malaysia.
Nyamannya Wadai Kararaban,
Dimakan badua awan umanya,
Bubuhan kami sihat sabarataan,
Mudahan jua urang di Indonesia.
Sungguh manisnya rambutan nona,
Buahnya di buka masukan kacangkir,
Lapah ba kurung karna korona,
Bawa bazikir supaya lakas berakhir.
Marandang nasi ancap kadapur,
Mangupuk hintalo dalam gadur,
Sabalum masuk waktu Zuhur,
Mahadang pantun Galuh Singapur.
Pak Samad tu urangnya hebat,
Urang kuat Lambung Mangkurat,
Ambil waktu biar satumat,
Kirim pantun nang ampat karat.
Matan Sapat ka Tanjung Puting,
Jalannya libar kadada jumbatan,
Niat badapat lawan si ading,
Sakalinya tadapat wan nang paninian.
Amun handak maulah bahulu,
Kada pa pa di hadangi haja,
Cari haja maksudnya dahulu,
Hanyar di ulahkan pambayangnya.
Matan Sapat ka Tanjung Puting,
Jalannya libar kadada jumbatan,
Sudah badapat lawan si ading,
Langsung haja jadi pangantin.
Asam kuini buah rambutan,
Buah manggis iwak saluang,
Ulun kada wani wan takutan,
Kalo pantun tasalah sambung.
Hari hari datang ka dusun,
Anak perawan rambut digalung,
Hati hati amun bapantun,
Jangan sampai ada tasinggung.
Bapantun sambil hiburan,
Jangan sampai kada bataguran,
Untuk manghilangkan rasa galau,
Akibat korona yg bertebaran.
Bila berjalan sampai katujuan,
Makan apam dari barabai,
Bila ta salah pantun dimaafkan,
Supaya lurus yang takusai.
Tunang bahanup dirapun kuini,
Sambil makan buah ceri,
Nang miniknya nang banyak bini,
Ditukarkan saikung nang lain bahiri.
Nang miniknya nang dua bini,
Saikung di bari saikung bahiri,
Musim Corona hawat bacari,
Duit di kantong kada da lagi.
Imbah sudah waktu zuhur,
Mambaca pantun batilantang,
Ulun hadir dari Singapur,
Terimakasih Abah mahadang.
Limbah lah sudah waktu zuhur,
Mambaca pantun batilantang,
Tarima kasih budi nang luhur,
Sampai jua pantun dihadang.
Lukah dipasang baulihi limbat,
Lalu dimasaki pipinian gasan laki,
Bujurkah ramai orang manyambat,
Babinian banjar bisa maningas ka laki.
Buah ka tapi ngalih dicari,
Diulah cacapan nyaman sakali,
Tuah bini Kada hingkat dicari,
Kaya itu sayangi bini.
Garagaji natak barata,
Natak dahan puhun gurah,
Ibu haji jangan marista,
Pak Ohan bagaya narrah.
Warna hijau buah kuini,
Indah ditiring mata dipagi hari,
Mana kada maningas bini,
Dah kulir bagawi bini suruh bacari.
SIRI 5
Daun kuini jangan dicarik,
Gasan manggusuk cawan rangat,
Kayapa bini kada basarik,
Amun lakiannya pangulir bangat.
Abu Am Ust. Lahmuddin,
Tuan Guru di Kota Jambi,
Ka mana garang itu sidin,
Ayu mancangol di lakasi.
Sudah tahu kulir bagawi,
Jangan guring bamalam hari,
Sudahlah barang dirumah dibawii,
Itu narannya kada tahu diri.
Makan nasi dipinggir kali,
Sambil mangupas buah kuini,
Baisi bini kada dihargai,
Padahal bini yg bari makani.
Muntung gancang manguya mamaki,
Kada magan diulah uma tiri,
Untung batuahnya jadi laki ,
Makan pakai bini nang mambari.
Baisi bini pastilah dihargai,
Karna bini yang basasadi,
Pastinya bini disayangi laki,
Amun paksian suruhan laki.
Anak si musang mamanjat nyiur,
Nyiur dimakan tinggal sabutnya,
Maulah gangan walohnya gayur,
Sisanya pulang di ulah sarawa.
Ulam jalukap wan putat,
Basalera makan sapiring talah,
Malam tadi malam jum'at,
Ada nang kada janak guring lah.
Malam Khamis malam Jumahat,
Malam tadi guring satumat,
Turun ranjang imbah bakakat,
Mudahan malam tadi babarakat.
Awak tuha sudah ringkutan,
Kada kawa bagawi gancang,
Pantun tu cuma bagayaan,
Karna udah lawas lun bapantang.
Imbah bajamur sarapan laksa,
Galuh Banjar tasanyum simpul,
Mudah-mudahan kina ke M’sia,
Langsung balalah ka Istanbul.
Musim Corona kada bakhutbah,
Solat Zuhur haja kami bajamaah,
Mantuk asal solat bajamaah,
Pabila Corona mantukan sudah.
Ikan sapat diulah wadi,
Ikan sapat jd pakasam,
Subuh-subuh sudah mandi,
Mohon undur diri wassalam.
Papuyu baubar tuangi santan,
Dimakan oleh si anal cina,
Napa habar kulaan barataan,
Mudahab bibas matan corona.
Pohon partai dihutan balantara,
Tulak maambil dipagi hari,
Handak batatai tunda sementara,
Untuk menjaga keamanan diri.
Bagana dirumah rasa dandaman,
Nasi kuning katupat kandangan,
Di mana yuk wahai bubuhan,
Sambung lagi kita bapantunan.
Baring is boring,
Tidur is guring,
Corona is garing,
Cuntan is maling.
Ana is saya,
Anta is kamu,
Mana semua,
Cangol la dulu.
Satu is wonna,
Wonna is satu,
Nola ka mana,
Pantun la dulu.
Amun virus batukar Corona,
Banyak lah gadis jadi paruna,
Bahinip dirumah kada kamana,
Awan si diang langkar Corona.
Zaliha Awang Akhmad Tamzil,
Rancak maniring duduk di higa,
Sudah rancak pian di gawil,
Surung haja pantun nang ada.
Aishah Kudus urang Kandangan,
Makan katupan dihiga jalan,
Kanapa maka kada umpatan,
Urang rame rahat bapantunan.
Waktu Zuhur handak kamana,
Ulun ni tatap di rumah haja,
Kada bapantun maniring haja,
Hilang sadih timbul bahagia.
Kami di Malaysia rahat katantinan,
Ngalih bacari makanan halal,
Cuma Imam nang di ijinakan,
Bersama kaum wan jua bilal.
Ada haja urang nang mambawa,
Sambil balalah sambil bajalan,
Mulai Kandangan ka Malaysia,
Dari Malaysia langsung ka Thailan.
Anda sunyaan urang hebat,
Sapalihnya tu dari Loktabat,
Amun langsung ada pesawat,
Bisa kita semuanya badapat.
Si ading Nola sibuk bangat,
Tulak ka padu tu bamasak,
Zuhur masuknya waktu solat,
Mohon ulun umpat bamandak.
Biar kan masa yang lalu,
Berkubur bersama waktu,
Tinggalkan hatiku yang pilu,
Umpat sadih mangganangmu.
Bawa kelapa Gading kemana mana,
Jauh sampai ke pulau padang,
Ading manis banaran corona,
Bajalan badua ada yang mahadang.
Buah durian buah kadundung,
Dari Jakarta tulak ka Bandung,
Apa wahana bamimpi tadung,
Inya babuat ka dalam jukung.
Ka baruh manam papari,
Batas diulah awan cangkul,
Udah malam bilang pang hari,
Hanyar Busu datang bacangul.
Apik apik mangupas tungkul,
Tungkul dikupas dipahumaan,
Awal nya pian mancangol,
Sudahkah pian basarapan.
Babasuh batis kadalam wadah,
Pepaya masak diatas puhun,
Basusubuhan Busu bapapadah,
Supaya kita bijak bapantun.
SIRI 6
Buah langsat si buah duku,
Bunga mawar bunga melati,
Selamat jua papatuhanku,
Mudahan lah ceria di ini hari.
Gantung hiasan kasukaan umat,
Apik ditata bukan kapalang,
Tuntung subuh istirehat satumat,
Imbah tu solat duha pulang.
Apam putih apam habang,
Kaduanya tadi apam barabai,
Kabila jua handak badatang,
Supaya kawa duduk batatai.
Lawas sudah ulun mahadang,
Nang dihadang kada jua datang,
Tiap hari selalu mangganang,
Oh kekasih hati lakas badatang .
Pahat tumpul intang mata,
Diasah kada mau landap jua,
Rahat Corona maamuk dimarata,
Maaf kada kawa bulik ka Banua.
Jauh jauhnya si Pulau Pinang,
Handak datang kada di halang,
Mata takijimm hati mangganang,
Dandaman dinda di Banua urang.
Sampai ka kapala nafsu birahi,
itulah akibat k warung jablai,
bini dirumah kada dihirani,
duit balanja tahambur parai.
Bini dirumah kada tahirani,
Asyik lawan nang baliku liku,
Dari magrib sampai pagi,
Hilang sumbahyang tiga waktu.
Laki baiman Taubat Nasuha,
Kada tagoda lagi lawan janda,
Iman dan Islam sudah di jaga,
Sumbayang subuh sampai ka isya.
Waktu solat ka luar rumah,
Habis solat bulik ka rumah,
Di masigit kada bajamaah,
Amun tulak habis di galah.
La macca bahasa di sana,
Apa maksudnya bahasa Banjar,
Pisang Ijo nyaman rasanya,
Kayapa maulah handak balajar.
Buah kuini di balah balah,
Andak saikit di dalam cawan,
Corona nang ini jangan digalah,
Bawai bulik diulah kawan.
Andak saikit di dalam cawan,
Cawan baandak di atas guni,
Bawai bulik diulah lawan,
Lagi baik mun dijadiakan bini.
Bukan apam sembarang apam,
Apam diulah awan gula habang,
Amun handak tahu rasanya apam,
Sakali mancicipi minta pulang.
Kubur karamat laluhur banjar,
Parak sungai urang bajalan,
Saban tahun mantuk ka Banjar,
Malapas hati rasa dandaman.
Bukan apam sembarang apam,
Apam merah gula habang,
Ulun ni ibarat urang madam,
Satahun sakali tulak bailang.
Ramai orang di kota Tinggi,
Nonton joget sambil beryanyi,
Ulun kadalah bijak bestari,
Hayam jagau batanduk dikaki.
Jalan jalan ke Bukittinggi,
Sampai disana bacari bini,
Hayam laki tanduk di kaki,
Itulah dia yang disebut taji.
Karang laut dalam tangguk,
Dimasak galuh ditangah hari,
Nang anum jarang di janguk,
Diambil urang marana diri.
Karang laut dalam tangguk,
Dimasak galuh ditangah hari,
Nang anum jarang di janguk,
Labih baik hidup sandiri.
Sudah tahu awak uyuh,
Handak jua babini anum,
Kalo ai kawa manyayuh,
Madu wanyi itu dituntum.
Umai waninya batakun apam,
Kaluko apamnya kada kamir,
Senja sore salamat malam,
Limbah Isya kita mamander.
Burung pipit makan anggur,
Burung belibis lain lah punai,
Mapa kada sidin manganggur,
Kantongnya karing duitnya laai.
Tahun hadapan baanak hanyar,
Nang bini ampih bamamai,
Tabalurut jua tali salawar,
Mambari makan anaknya ramai.
Ganteng Busu maalahkan Hindi,
Ka Martapura manukar intan,
Kayapa dangsanak dipagi ini,
Napa dimakan gasan sarapan.
Burung pipit makan anggur,
Burung balibis lainlah punai,
Jadi laki jangan manganggur,
Supaya bini kada bamamai.
Tulak balalah rumah karumah,
Sambil basurah bahasa banjar,
Pagi patang maungut dirumah,
Nginum kopi awan apam banjar.
SIRI 7
Ruti lunta Si Jalawurai,
Roti jalanya di Malaysia,
Hati riang lagi lah arai,
Dangsanak ada digrup jua.
Ruti jalanya di Malaysia,
Wadai putu hintalu dadar,
Indonesia awan Malaysia,
Barsatu kita sasama Banjar,
Sarapan pagi awan nasi,
Dua piring antal jar lagi,
Amun sudah habis nasi,
Kinummah lagi banyu kupi.
Masigit Raya di Pekanbaru,
Kubahnya pula warna biru,
Kaduanya tu rasa pinandu,
Suah jumpa waktu dahulu.
Tinggi mancuir pukuk kapok,
Sarapan pagi makan durian,
Ambung tinggi jatuh mandabuk,
Supan ulun nu pujian pian,
Mama Hadran rancak bamamai,
Awan lakinya wani babanar,
Urang bibini banyaki baranai,
Latih diri lah supaya basabar.
Urang bibini banyaki baranai,
Latih diri lah supaya basabar,
Kaya apa bini kada bamamai,
Karna bininya kada panyabar.
Tulak pasar mambawa raga,
Raga ku diisi awan hintalu,
Dua harian ni barabah haja,
Napakah awak asa pina layu.
Timun kustila diatas kayu,
Bawa bulik gasan dimakan,
Mun awak sudah pina layu,
Lalu kamana malanjutakan.
Adanya katil adanya tilam,
Adanya siang ada malam,
Amun batamo kirim salam,
Kamana tulak pian bamadam.
Umanya hadran ba cocok tanam,
Tulak pagi bulik patang,
Kaya apa hati kada mandandam,
Baisi laki banyak batandang.
Curiak burung pialing,
Bahinggap dikayu jati,
Bakuriak mata manciling,
Tali salawar tajarat mati.
Landak haraguan atas watun,
Hanyar ranakan baluman bagigi,
Bamandak kita bapuisi bapantun ,
Imbah asar ayu sambung lagi.
Kapada nang hanyar pinandu,
Keduanya mereka Banjar Asli,
Pak Lahmudi tu di Pakanbaru,
Ust Lahmuddin di Kota Jambi.
Dapat di Kuala Indragiri,
Sampan sarat baisi paun,
Sabanlah hari ulun bacari,
Deda istilah LAUK DAUN.
Urang hindu malombong timah,
Simpani sandal di higa punggur,
Dua minggu bahinip di rumah,
Rambut tabal manjadi lungur.
Simpani sandal di higa punggur,
Dibuat pulang ka dalam uncang,
Rambut tabal manjadi lungur,
Janggut tu pang sian bapanjang.
Bahintaluan si iwak kelah,
Anak buhaya muntungnya wawah,
Bahaharian bahinip di rumah,
Kulaan sabarataan panya diulah?
Mon kakuala Indragiri,
Singgah satumat di tembilahan,
Mon kadaturun bacari,
Kadagabul pengawahan.
Iwak haruan di pungkar sana,
Anak itik di higa palantar
Patuhi aturan hindar corona,
Guring wan bini jarak sameter.
Anak itik di higa palantar,
Ditangkapi oleh si Palui,
Guring wan bini jarak sameter,
Kayapa dapat baanak halui?
Bajalan malam pakai senter,
Tahaga ular dalam balukar,
Mun gurin wan bini jarak semester,
Kada hingkat lagi tangan bahahar.
Guringan malam pakai senter,
Pajah senter tangan bahahar,
Kalian sabarataan napa habar,
Kami dirumah kada kaluar.
SIRI 8
Kami disini handak jua bahabar,
Amunnya kaluar tapi didalam,
Biar lah dirumah kada kaluar,
Mangipung haja diari malam.
Lalampar awan garutuk,
Parut lapar mata mangantuk,
Masuk kamar lawang sunduk,
Maka aman sampai isuk.
Bakayuh jukung ka Martapura,
Tadapat rombong bajualan kopi,
Virus corona nang marajalela,
Nyaman bahinip malukupi bini.
Lawan kakawalan ngalih tadapat,
Apabila dilakukan opsi lock down,
Nyawan jua babini ampat,
Paling nyaman wan bini anum.
Parak Zuhur masuknya balom,
Makan bubur giginya kilom,
Sudah hai tarasa babini anom,
Nyamanlah lagi nyiur anom.
Kaluar pagi buliknya patang,
Ari pula panas manggantang,
Kun fayakun hatap talo bidang.
Hakun da hakun tatap dihadang.
Nyaman jua babini ampat,
saban malam diatas parut,
jangan jua pina baharat,
kalu pina awak jadi ringkut.
Bini anum baluman puas,
Takurihing handak kadua,
pinggang laki sdh takuras,
balum maminum jamu jawa.
Ngalih jua ai babini ampat,
Saban malam dahi bakarut,
Dasar kaampat katuju bakarat,
Mapa tida itu pang hakikat.
Urang sugih babini ampat,
Tanda sidin mampu dan kuat,
Si miskin handak jua Umpat,
Malumu jari sampai kumat.
Urang alim babini dua,
Tanda sidin ikut Sunnah,
Mamalihara badan dari zina,
perbanyak ummat Rasulullah.
Handak banar bapoligami,
takut katahuan bini tuha,
kawa ai luku basambunyi,
katahuan bini bangkak muha.
Tantaran mangalau umpan katak,
Taulihi haruan muntung tanganga,
Bujuran handak kada usah bapatak,
Hambur duit awan tuliakan talinga.
Ambil niur tinggalkan sabut,
Sabut dibuat ka kataraan,
W'salam, salam disambut,
Salamat bapinanduan awan kulaan.
SIRI 9
Sabut dibuat ka kataraan,
Nyaman hayam bahintalu barata,
Salamat bapinduan kita kulaan,
Lun Angah Taha matan Malaysia.
Aruh ganal d Samarinda,
Bukti KBB dimana mana,
Rami banar ujar barita,
Minta maaf kada kasana.
Air dalam satinggi dada,
Laut ganal banyak galumbang,
Arul ganal di Samarinda,
Handak tulak kada diundang.
Aruh Ganal di Samarinda,
Ada undangan, kada kawa,
Ngarannya rajaki kada ada,
Sama ibarat kita ni batiga.
Aruh ganal di Samarinda,
Ada undangan atawa kadada,
Kada wani jua mandatanginya,
Takutan tapapar virus kuruna.
Good morning salamat pagi,
Nasi gorengnya balauk wadi,
Bangun guring gosoklah gigi,
Ayo kita bapantunan lah lagi.
Kucing marau mancari bini,
Bukah anak nang mamaraki,
Napa dimakan sarapan pagi,
Bisakah maulah wadai bahari.
Puhun lakum di tungkaran,
Buah hampalam manis rasa,
Assalamualaikum kulaan barataan,
Sambutlah salam hari salasa.
Buah humpalam manis rasa,
Mari diandak di atas papan,
Sambutlah salam hari salasa,
Agak2 pagi nie panya sarapan?
Mari diandak di atas papan,
Papan jati kuning warna,
Apa gin haja gasan sarapan,
Jagalah diri matam korona.
Maulah pantun kada barika,
Umpatan balajar supaya bisa,
Saja banaran lah ujar andika,
Marilah kita jauhi dari Corona.
Wadai apam d rumbung acil,
Dikiyau baparak higa kalutuk,
Covid Corona masih maucil,
Hindarilah garing awan batuk.
Hujan garimis di patang hari,
Nyaman guring bantal tabalik,
Ading manangis apa yg dicari,
Abang manggatal kada bulik.
Wadai apam nyaman rasanya,
Dimakan lawan nyiur baparut,
Jauhilah lakasi sivirus corona,
Nasihat dokter handak diturut.
Kian hari pang kada tarasa,
Satumat lagi bulannya puasa,
Pian badoa amat khusuknya,
Ulun disini me_aminkan jua.
Hujan garimis di pagi hari,
Habis basah badan sakujur,
Abang manggatal kada bulik,
Karana hatinya kada taurus.
SAJAK PILIHAN.
*NISFU SYA’BAN 1441*
Nisfu Sya’ban, anu ai,
Nang puasa, puasa,
Nang kada, kada.....
Puasa sunat haja,
Kada wajip kada,
Nang kada puasa diganang nang puasa.
Nang puasa, Alhamdulillah...
Nang kada puasa, baranai haja....
Sarana makan-nginum parak nang puasa,
Nang puasa, baingat jua....
Sarana manyariki nang kada puasa,
Baarit sarabanya.
Nisfu Sya’ban, anu ai
Sadang bararanai,
Nang baisi uncui salanjung, bararanai ha,
Garabak bihi nang singkip, damintu jua
Di dunia parahatan turun bala,
Kada tunggal di Banua atawa Malaysia.
Nang Kalua, madam ka Malaya.
Sama sama marasa,
Hindari bala' wal waba'
Sarana balalakun, baidabul nang kada-kada.
Nisfu Sya’ban, anu ai
Sarana balalah
Balinjang
Raunan
Handauran
Kalusuran
Bakunjangan
Baramian
Maginnya manggawi nang kada kakaruan
Kalu kapuhunan !
Nang bacari di luar rumah, lain pulang kisah
Sapamatuk-sapangikih, maambil umpah
Bajual bahu, bapikulan, bajualan
Balanjung
Ada nang bajunjungan...
Amun kada bacari, kada makan
Nisfu Sya’ban, anu ai
Sasadangnya ai
Sadang baingat diri
Ingat hidup sabalum mati.
Hidup kada lawas..... Amun mati ada jua nang mangganang.
Amun kada kakawalan nang di rumah barang.
Bawa baingat bubuhannya ay.
Anum mati.
Tuha layar jiun.
Sigar pajah.
Uyuh jingkar.
Barilaan haja.
WAJA SAMPAI KA PUTING.
Dalas hangit.
Haram manyarah.
Tanam jambu di higa paya,
Ambil dahan diulah palang,
Sunyi suung raya partama,
Kada siapa datang bailang.
Sunyi suung raya partama,
Kada siapa datang bailang,
Kada karasanan raya kadua,
Magun ada daging randang.
Kada karasanan raya kadua,
Bapuasa anam kita mulakan,
Diam rumah daham kamana,
Masuk Maghrib kawa makan.
Maulah soto sambal kacang,
Udal sadikit ka mangkok kaca,
Gangan bakaroh batil pisang,
Gasan pabukaan puasa kaina.
Tulak balalah ka Loksado,
Naik speda janganlah laju,
Tapai hijau badaun kato,
Manis malingit ilah madu.
Isnin
25.05.2020
PANTUN COVID-19
Ka hulu ka hilir,
Ka laut ka darat,
Bagawinya kulir,
Makannya kuat.
Arini kada bagawi,
Makan guring haja,
Patuh ujar menteri,
Diam dirumah haja.
Makan nasi kawah,
Jauhi Virus Corona,
Amun kaluar rumah,
Pakai topeng muha,
Nyaman lauk mandai,
Makan nasi surangan,
Mun limbah bajajapai,
Dilakasi basuh tangan.
PANTUN RAMADHAN 2
Pucuk kangkung diulah gangan,
Dimasaki awan humbut kaladi,
Assalamualaikum pian barataan,
Mudahan wagas awak manjadi.
Asal Gambut bagana di Kelua,
Ka Kutai lewatnya Kandangan,
Alhamdulillah mula bapuasa,
Mudahan tuntung Ramadhan.
Sudah lawas Badiam di banua,
Hidup bahagia basama kaluarga,
Sungguh indah di bulan puasa,
Perbanyak pahala mahapus dosa.
Buah hanau oh si buah kabung,
Kolang kaling buah yang sama,
Pajam mata kada mau taguring,
Taganang parak dah ari nak raya.
Umai ramenya bapandir di watun,
Imbahnya pulang mandi di kolah,
Lama sudah ulon kada bapantun,
Sibuk malayani online di sakulah.
Burung gagak burung halang,
Ke hulu ka hilir tulak balalah,
Mudahan lakas Corona hilang,
Kanakan arai handak sakulah.
Buah jambu si buah kuini,
Ambil kukuar lakas juraki,
Napinya dimasak hari ini,
Mudahan barakat barajaki.
Gagak itu hirang warnanya,
Bila ba bunyi kuat suaranya,
Bila corona hilang samuanya,
Kita gin bahagia bahari raya.
Tulak ka kadai manukar gula,
Talajur manukar buah kana,
Kita mancari banyak pahala,
Hagan bekalan bila di sana.
Anak pa'sian disuruh mandi,
Imbah mangaji bamain guli,
Mandingur babau iwak wadi,
Kambuh kanasi enak sekali.
Sungguh indah pantai Nongsa,
Pantainya indah ba pasir putih,
Sungguh nikmat babuka puasa,
Wadainya banyak kawa mamilih.
Pasir pantai warnanya putih,
Sakali mandi arusnya deras,
Ambil wadai jangan salah pilih,
Kada bagigi dapat nang karas.
Jamur itu sama awan kulat,
Ada panjang ada nang bulat,
Solat Subuh nya dua rakaat,
Sujud sajdah subuh Jumaat.
PANTUN RAMADHAN 1
Makan nangka babagi dua,
Makan lalo kana gatahnya.Satumat lagi bulan puasa,
Ayo kita nyambut basama.
Anak Tulamak kambar dua,
Dingarani Sarah wan Sofia,
Bulan Ramadan wajib puasa,
Mahapus sagala dusa dunia.
Ka pasar manukar nangka,
Pas dimakan kada barasa,
Kalo pengen masuk surga
Raih taqwa di bulan puasa.
Kulak waloh kambuh nangka,
Lamak bangat dikambuhi gula,
Nikmat abadi adanya disyurga,
Amal baik jangan baulah dusa.
Kolak durian dikambuh ketan,
Lamak babanar kalu dimakan,
Akhir April sudah Romadhan,
Ayolah kito saling mama'afkan.
Saikung-ikung kada da mawadi,
Ujar habar banyak nang handak,
Saikung-ikung kadada nang jadi.
Hebat-hebat orang Binuang,
Tukih gaharu wan batu bara,
Amun jadi ulunni mahadang,
Lakas lakasi datang bapara.
Uyuh bacari kada jua sugih,
Umur tuha jalan batungkat,
Babini dua gin upal basapih,
Inikan pulang babini ampat.
Batang paring sidaun bambu,
Katan rumbia diulahnya sagu,
Lamun kadua2 sudah satuju,
Ayuha pianlah nang badahulu.
Kuala Lumpur tuju kamana,
Selangor banyak sawahnya,
Amun akur handak basama,
Kaina rumah manyiwa haja.
Gugur tangga tapulanting,
Jatuh ka bawah taguling2,
Sanggupkah pian maniring,
Bahaup, sabantal gaguling.
Saikung-ikung kada da mawadi,
Ujar habar banyak nang handak,
Saikung-ikung kadada nang jadi.
Hebat-hebat orang Binuang,
Tukih gaharu wan batu bara,
Amun jadi ulunni mahadang,
Lakas lakasi datang bapara.
Uyuh bacari kada jua sugih,
Umur tuha jalan batungkat,
Babini dua gin upal basapih,
Inikan pulang babini ampat.
Batang paring sidaun bambu,
Katan rumbia diulahnya sagu,
Lamun kadua2 sudah satuju,
Ayuha pianlah nang badahulu.
ÀKuala Lumpur tuju kamana,
Selangor banyak sawahnya,
Amun akur handak basama,
Kaina rumah manyiwa haja.
Gugur tangga tapulanting,
Jatuh ka bawah taguling2,
Sanggupkah pian maniring,
Bahaup, sabantal gaguling.
Tulak ka masjid tatap ibadah,
Malapas tanggungan kifayah,
Nang bibini biar haja dirumah,
Nang lalaki haja tulak jamaah.
Buah hatiku diluar pagar,
Marah banar makan hati,
Mandaras bahasa Banjar,
Supaya pian lakas ngarti.
Surah Banjar nya mudah,
Talk English nya is easy,
Amun pian rajin basurah,
It'll sure make you happy.
Lawas mahajan baharianan,
Akibat kerna kabungkarasan,
Bagus pitua gasan paingatan,
Kawa diamal amun pa'siaan.
Maulah bahulu pakai gula,
Ambil tapung parah santan,
Hai napa habar samuanya,
Salamat pagi kami ucapkan.
Mati lampu nyalakan lilin,
Ading balajar di balik tirai,
Ayu balas pantun kemarin,
Supaya kita lakas pandai.
Putih warnanya bunga melati,
Bunga mawar bawarna merah,
Kadatangan kalian ka grup ini,
Mambuat ia samakin mariah.
Nyaman bangat si sambal acan,
Makan bapatak di higa lawang,
Salamat datang kami ucapkan,
Gasan teman dari Kandangan.
Dari Amuntai ampah ka Tanjung,
Sabuah motor muat ba ampat,
Kami datang untuk maundang,
Untuk mandapat doa & salamat.
Makan nasi di dalam talam,
Landau nasi bakuah gangan,
Talalo lawas mahadang malam,
Kaluko kaina pang kapuhuhan.
Kasian Kaling bahira di puhun,
Kaluko gugur jatuh mancabur,
Jawaban di bari limbah dipuhun,
Kawa ai malam guring di dapur.
Tahi karas jadi bungkarasan,
Suap ganal jadi bungkalanan,
Bujur sudahlah jawapan pian,
Kada lagi pang lun kapuhuhan.
Dari banua tulakan balayar,
Balayar sampai ka Malaysia,
Si Kaling bisa bahasa Banjar,
Ada Banjar ba bahasa India.
Chit no saa si, ujar buhan Hokkien,
Neng song sam si, bahasa Thailan,
Limbah batunang kada jadi kawin,
Maungut surangan diatas palamin.
Limbah Subuh bagawi tarus,
Parah nyiur maramas santan,
Zaliha Awang Aishah Kuddus,
Saban pagi bakurihing tantan.
Matan kandangan bawa rantang,
Isinya kangkung liwar hibaknya,
Duduk surangan diatas batang,
Saikung ikung kadeda urangnya.
Duduk surangan diatas batang,
Saikung ikung kadeda urangnya,
Umai umanya napanya garang,
Gawi haja napanya nang ada.
Ka hulu ka hilir,
Ka laut ka darat,
Bapaluh dah liir,
Habis dah kudrat.
Ka hulu ka hilir,
Ka laut ka darat,
Bagawinya kulir,
Makannya kuat.
Arini kada bagawi,
Makan guring haja,
Patuh ujar menteri,
Diam dirumah haja.
Makan nasi kawah,
Jauhi Virus Corona,
Amun kaluar rumah,
Pakai topeng muha,
Nyaman lauk mandai,
Makan nasi surangan,
Mun limbah bajajapai,
Dilakasi basuh tangan.
*JALAN BANJAR*
ISNIN 13.04.2020
Tulak ka pakan nukar tantaran,
Handah maunjun di Bukit Cina,
Salamat baisukan pian barataan,
Mudahan wagasan bebas corona.
Anak sapa duduk di papan,
Duduk di higa buah kastila,
Pagi naya napanya sarapan?
Diganang jualah ulun di sia.
Daun salasih si daun pudina,
Gasan parasa masak balamak,
Parak sabulan di kuarintina,
Parut baganal awak balamak.
Kahulu kahilir,
Kagunung kadarat,
Lancar pandir,
Bapantun gin harat.
Ka hulu ka hilir,
Kapaya kadarat,
Kayapa manggilir,
Mun babini ampat.
Solat Isya ampat rakaat,
Dua menit satiap rakaat,
Amun hidup pian rakat,
Kawa ja guring baampat.
*PANTUN MAHADANG PUASA*
Ular sanduk ujarnya bawisa,
Kana patuk kadada tatamba,
Iklhlaskan niat dalam puasa,
Mudahan hapus sagala dosa.
Harang dibakar manjadi bara,
Tabakar habis kadada basisa,
Kita saiman tapi dua nagara,
Lun ucapkan salamat puasa.
Pohon baringin daunnya labat,
Di bawah pohon kucing bakarat,
Untuk karabat dan juga sahabat,
Salamat bapuasa samoga sihat.
Tulak ka pantai, pantai Jakarta,
Lautannya barkilau macam kaca,
Orang di kampung dan juga kota,
Sunyaannya arai di bulan bapuasa.
Bajalan-jalan manukar pulsa,
Bulik main mamakan katupat,
Janganlah lupa ibadah puasa,
Agar pahala kita dapat balipat.
Anak Banjar mangalau haruan,
Baulih saikung nang kalacingan,
Kita mahadang bulan Ramadhan,
Mohon maaf jua lun sampaikan.
Intannya barsinar girap-girapan,
Digandingkan awan batu barlian.
Bulan April sudah hai Ramadhan,
Salah dan silap mohon dimaafkan.
Baulih bini nang bungas rupanya,
Asal usul mamanya urang Kalua,
Ramadhan kini parak awan mata,
Mari tingkatkan Iman dan Taqwa.
Kambang sataman di higa rumah,
Di tangah taman barbagai hiasan,
Baunya Ramadhan tacium sudah,
Makan minumku harap dihalalkan.
Mamanjat pokok jangan tinggi,
Amunnya jatuh siapa yang rugi,
Barsihkan hati mansucikan diri,
Nyambut puasa kada lawas lagi.
KD / 08 April 2020
Baburu kijang ka tangah hutan,
Rusa ditinggal dimakan macan,
Salam pinandu pian sabarataan,
Assalamu'alaikum lun ucapkan.
Sarapan pagi mamakan bakwan,
Bakwan dimakan barsama mama,
Rame' pang hatiku bisa bakawan,
Mudahan kita rakat sa-iya sakata.
Jaga kabarsihan kada bakuring,
Eloklah mamakan buah dalima,
Kaum Hawa bila bangun guring,
Basilat di dapur kaya panglima.
Jaga keberihan kada bakuring,
Elok ai mamakan buah delima,
Sambil menaip ulon takurihing,
Taingat bahari papadahan uma.
Sadapnya makan gumbili jalar,
Makan baduaan dikabun sawit,
Adap bakawan jangan pamalar,
Mudahan la pian banyak baduit.
Sadapnya makan gumbili jalar,
Makan baduaan dikabun sawit,
Ulun kada pang suah mamalar,
Mudahan ulun batambah baduit.
Burung balam tarabang kaawan,
Limbah kaawan lalu pang hilang,
Amunlah sampian jadi darmawan,
Hadangilah kaina kami bailang.
Burung balam tarabang kaawan,
Imbah kawan ka dahan pulang.
Amun isuk pian datang bailang,
Udah pasti ulun sadia mahadang.
Alhamdulillah kita ucapkan,
Semoga Allah mengabulkan,
Amun damintu pian ucapkan,
Kami badadas isuk tulakan.
Alhamdulillah kita ucapkan,
Semoga Allah mengabulkan,
Huma raminya hadak balalahan,
Asa kapingin umpat baimbayan.
Alhamdulillah kita ucapkan,
Semoga Allah mengabulkan,
Ke rumah ulon masa bulikan,
Boleh haja kita bamakanan.
Alhamdulillah kita ucapkan,
Bisa balalah kemana mana,
Itulah narannya bakulaan,
Sayang masih lockdown corona.
Alhamdulillah ulun ucapkan,
Kaina balalah kemana mana,
Itulah ngarannya bakukulaan,
Ulun bawa ka Thailand sana.
Matan dihalus sudah pinandu,
Sudah pang suah duduk batatai,
Hasrat hati hidup barsama mu,
Apakan daya hajat kada sampai.
Cantik sungguh si bakul rotan,
Bunga melati di dalam taman,
Sudah takdir dan juga suratan,
Hidup diteruskan kuatkan iman.
Paman Anom rahat dimana,
Ayu lakasi disurung pantun,
Usah khawatir lawan Corona,
Bawai inya umpat bapantun.
Kalau takdir jadi suratan,
Walaupun berat harus dijalani,
Yang lalu jangan jadi ingatan,
Cari yang hanyar jadi bini.
Kalau takdir dah jadi suratan,
Walaupun berat harus dijalani,
Yang lalu tetaplah jadi ingatan,
Tinggallah kenangan ke hari ini.
Kalau takdir dah jadi suratan
Walaupun berat harus diterima
Kalau yang lalu tetap jadi ingatan
Yang hanyar pasti kada terima
Si anak halui babaju mirah.
Anak sambilang dalam parahu.
Luka ditangan nampak brdarah,
Luka dihati kita saja nang tahu.
Utuh ganal babaju habang,
Anak kepiting dalam pati,
Luka ditangan darah mahabang,
Luka dihati ma bawa mati.
,
Pulang pandang jauh ditengah
Di balik pulau angsa dua,
Bulan ramadhan membawa berkah,
Ayo kita banyak banyak sedekah.
Tulak mamancing abahnya hadran.
Dapat saikung ikan haruan.
Amun dah datang nisfu sya'ban.
Kada lawas lg datang Ramadhan..
Tulak umrah dibulan hadapan,
Jangan kalupaan mambawa sajadah,
Malam ini malam Nisfu Sya'ban,
Kita tambahi amalan ibadah.
Urang Banjar manangkap haruan,
Dapat saikung kulacingan,
Kada lawas lagi bulan Ramadhan,
Maaf ampun kita barilaan.
Nyaman di banam ikan haruan,
Apa lagi di cacap wan sambal acan,
Sudah Parak bulan Ramadhan,
Salah dan khilaf mohon di maafkan.
Malam ini malam Nisfu Sya'ban,
Kada tarasa lagi bulan Ramadhan,
Mohon maaf segala kesalahan,
Baik dari ucapan atau perbuatan.
Nukar iwak di sampadan,
Iwak dibuat ka dalam wadah,
Sudah parak bulan Ramadhan,
Hutang puasa babayar ka sudah.
Iwak dibuat kadalam panci,
Handak diulah pakasam bauyah,
Hutang puasa sudah ditahuri,
Ditambahi pulang puasa sunah.
Tabang jati diambil batang,
Lalu disusun kahiga tawing,
Amun lalakian puasa tahutang,
Mandapat aral atawa garing.
Bulan ramadhan handak datang,
Banyak urang jualan wadai,
Virus corona balum hilang,
Awak takurung badan takulai.
Sapu tangan indah babalang,
Pohon tarap putus akarnya,
Nispu Sa'ban sudah datang,
Mohon maaf satulus tulusnya.
Anak santri memakai surban,
Indah rupawan memakai intan,
Malam ini kita masuk nisfu sya'ban,
Khilap dan salah mohon di maafkan.
Karita kuda raun ka hulu,
Liuk rudanya baling balinggang,
Dinda janda kandapun jomblu,
Isuk kanda datang meminang.
Ampat lima jalan ka hulu,
Jalan ka Tuban berliku liku,
Ampat lima bulan sdh kita lalui,
Akhirnya Sa'ban kita temui.
Jalan ke Tuban berliku liku,
Jalan Medan mulus sekali,
Bulan sa'ban kita temui,
Bulan Ramadhan satumat lagi.
Jalan ke Medan mulus sekali,
Membeli wadai bolu Meranti,
Bulan Ramadhan satumat lagi,
Siapkan diri sucikan hati.
Pantun Gagayaan Bulan Ramadhan.
Ulah cincin matan suasa,
Mun handak harat bamata intan,
Bulan Ramadhan kita puasa,
Nang jarang puasa awak lintukan.
Mun handak harat bamata intan,
Di pakai galuh sambil takidum,
Nang jarang puasa awak lintukan,
Jangan pulang bacuntan nginum.
Dipakai galuh sambil takidum,
Cincin kalihatan mancarunong,
Jangan pulang bacuntan nginum,
Kaina dapat pahala locong.
Cincin kalihatan mancarunong,
Katahuan urang larang haraga,
Kaina dapat pahala locong,
Awak manyandang lapar dahaga.
Kaina dapat pahala locong,
Awak manyandang lapar dahaga,
Kaina mun sudah jadi pocong,
Baribu sasal di ahirat kaina.
Bulan ramadhan kita puasa,
Manahan lapar dan dahaga,
Mun puasa jangan berpura pura,
Manyasal kemudian kadada guna.
Bulan Ramadhan kian dekat,
Mari babanyak amal ibadat,
Ayo saling memberi nasehat,
Semoga selamat dunia akhirat.
Bulan puasa bulan yang berkah,
Bulan berkah penuh ampunan,
Mari kita mohon kepada Allah,
Segala khilaf mohon dimaafkan.
Riang riut punduk di hutan,
Kaguguran buah timbatu,
Irang irut muntung kuitan,
Mamadahi anak minantu.
Baras wangi masak di panci,
Jadi bubur banyak banyunya,
Taingat hutang masa bahari,
Imbah ngatam manahurinya.
Putri ramaja badarah Kalua,
Anak bangsa Tanah Malayu,
Rupa bungas babudi bahasa,
Banyaklah urang nang katuju.
Dijual oleh galuh nang bungas,
Sarapan pagi bersama sama,
Soto banjar pulang menunya.
Sarapan pagi bersama sama,
Soto Banjar pulang menunya,
Arini handak tulak ka mana,
Kami disini dirumahan haja.
Wadai apam manis rasanya,
Dijual oleh si galuh bungas,
Diam di rumah apa rasanya,
Apa jawapan si galuh bungas.
Kayuh sampan ka Barangas,
Mangikih ilung higa mahiga,
Apa ulahan si Galuh Bungas,
Mamingkuti burung abahnya.
Kayuh sampan ka Barangas,
Mangikih ilung higa mahiga,
Umai ramenya Galuh Bungas,
Luko takamih burung abahnya.
Galuh bungas babaju habang,
Kakamban putih dibahu kanan,
Guling guling diatas ranjang,
Mahadang waktu bamasraan.
Galuh langsing mambuka kantin,
Jual minuman bakambuh jamu,
Pantun ini khusus pangantin,
Baudak bagumul sampai layu.
Amas putih si amas suwasa,
Gasan hiasan si anak raruna,
Allah pancipta Maha Kuasa,
Atas sagala yang ada di dunia.
Parintah bakurung umpati haja,
Itu tandanya rakyat yang bijak,
Walaupun solat dirumah haja,
In sya Allah pahala jua banyak.
Sarapan pagi wan pulut sarunding,
Iwaknya hundang basambal habang,
Pantun basambut hatipun sanang,
Kampung halaman taganang ganang.
Puhun nyiur badahan sambilan,
Puhun rumbia nang disubalah,
Dasar bujur papadahan pian,
Bapantun kita nang bapaidah.
Urang banjar di kota Johor,
Sudah lawas bakabun longan,
Kalau banjar handak tasohor,
Mari kita ba gandeng tangan.
Wadai apam awan pupudak,
Nyaman dimakan sa dikit sadikit,
Walau dirumah kada bagarak,
Supaya corona kada bajangkit.
Biarkan orang basurah garang,
Kita basurah balamah lambut,
Biarlah kurang harta dan barang,
Asalkan sikap manurut yg patut.
Kanapa banyak org tasasat,
Karena tak mau duduk mangaji,
Kanapa banyak dandam kasumat,
Karena tak tahu sunahnya nabi.
Kanapa banyak org malarat,
Karena kulir bakarja karas,
Kanapa karja kada manfaat,
Karena amalan tiada ikhlas.
Jangan suka iri mengiri,
Org pengiri hidupnya malang,
Jangan suka lupakan diri,
Yang lupa diri dibenci orang.
Amun hati suka badandam,
Lama-lama manjadi panyakit,
Amun mangarti ajaran Islam,
Kamana tulak kada tahimpit.
Bila hati suka badandam,
Banyak sahabat manjadi musuh,
Bila mangarti ajaran Islam,
Dunia akhirat hidup senonoh.
Bila hati suka badandam,
Sasama saudara bapacah balah,
Bila mangarti ajaran Islam,
Hidup sajahtara tiada menyalah.
Kota marabahan di kalimantan,
Banyak bubuhan di Tambilahan,
Mudahan kita wagas barataan,
Ada kasampatan kita batamuan.
Gangan humbut gangan kaladi,
Lauk makannya si iwak wadi,
Mandangar barita nang wayah hini,
Kada salahnya kita mahawasi diri.
Sagan apa sagu diparut,
Sagan makan anak baranak,
Sagan apa ilmu di tuntut,
Sagan kabaikan orang banyak.
Sagan apa sagu diayak,
Kalau kada sagan dimakan,
Sagan apa barilmu banyak,
Kalau kada gasan amalan.
Asik mambaca pantun pian,
Asa handak maulah jua,
Dimana bagana asal pian,
Ulun ni tatap di Malaysia.
Anak walanda tulak kahutan,
Tulak kahutan bakayuh sampan,
Bujur banar pandapat pian,
Biar rakat yuk bapantunan.
Lun lahir di Enok dalam,
Kada jauh dari tembilahan,
Lun bagana di pulau Batam,
Mun Malaysia kita bejiran.
Pian bagana di Pulau Batam,
Mun Malaysia kita bajiran,
Asa handak badapat ikam,
Biar lakas bulan hadapan.
Bujur banar pandapat ikam,
Biar rakat yuk bapantunan,
Nasi lauk dalam talam,
Yuk kita sama makanan.
Banjarmasin di kalimantan,
Banyak lahir guru yg alim,
Amun handak batamuan,
Bawa sekalian busu Ulim.
Amun handak batamuan,
Bawa sakalian Busu Ilim,
Handak tiket ku tukarakan,
Agar sidin kada bakulim.
Iwak haruan dari pontianak,
Dibawa urang ke malaysia,
Walaupun jauh rasa badansanak,
Sakit dan sanang sama dirasa.
Walau jauh asa dangsanak,
Sakit sanang sama dirasa,
Ada rajaki ulun tulak,
Badapat dangsanak disana.
Kuini babuah hanyar,
Kuini miring kabatang kapuk,
Ulun ini urang Banjar,
Damini badiam di Depok.
Kota Depok Jawa Barat,
Tulak madam dari Banua,
Pantun pian dasar harat,
Kaina ulun tunti ka sana.
Ulun hanyar tulak ka RAKHA,
Rakha itu di daerah Amuntai,
Sheikh Barkatullah ada disana,
Mahadang kami waktu sampai.
Rashidiah Khalidiah dibari nama,
Ramai santrinya kada sakira,
Rame banar bakunjung ka Banua,
Teman samua mangako kula.
Siri 2
Handak duduk dalam berunding,
Kadalah suka memandai-mandai,
Handak duduk balum basanding,
Kadalah suka berandai-andai.
Amun kada ada ayah wan ibu,
Kada ada yang lahir kita ka dunia,
Kalau baragama kada manantu,
Di yaumil akhir hidup marana.
Supaya Tuhan kada murka,
Jangan sakiti ibu dan bapak,
Supaya iman kada tercela,
Jangan barantat mangaji syarak.
Baik-baik maraut sambilu,
Salah raut tangan taluka,
Baik-baik manuntut ilmu,
Salah tuntut badan calaka.
Dadai baju di atas papan,
Baju ulahan kain kasa,
Silakan pang tuan basarapan,
Hari sanayan kami puasa.
Senin wan Khamis pian puasa,
Amalan sunnah junjungan baginda,
Alhamdulillah banyak pahala,
Mudahan masuk ka dalam syurga.
Hayam jagau di barumahan,
Hayam bini di kataraan,
Hayam mana yang basaungan,
Hayam mana nang baranakan.
Hari kadap di lindung rakun,
Kakanakan duduk di watun,
Banyak2 maaf ulun batakun,
Nang ini syair atawa pantun?
Nang mana syair nang mana pantun,
Pantun berbait sukukata tersusun,
Syair menarik gayanya santun,
Mari balajar dengan tekun.
Susun galagar di tungkaran,
Andak paku di bawah tangga,
Urang Banjar sunyaan kulaan,
Walau di mana jua barada.
Urang Banjar sunyaan kulaan,
Walau dimana jua bagana,
Mudahan pian sihat barataan,
Disaat Corona sadang malanda.
Minuman haram marusak aqal,
Aqal nang sihat jadi wangal,
Ayu cari makanan nang halal,
Banyak haja urang bajual.
Gangan waloh santan kalapa,
Ikan karing sambal balacan,
Kalau salah ayo disapa,
Supaya jangan ada bakasalan.
Gangan waloh santan kalapa,
Ikan karing sambal balacan,
Sahibar marawa kada pa pa,
Asal jangan basasarikan.
Tarabang burung sampai jauh,
Piungut lain burung pialing,
Saban hari bagangan waluh,
Sisingut Kai babalang kuning.
Saban hari bagangan waluh,
Sisingut Kai babalang kuning,
Ulun katuju gangan bakaruh,
Tuntung makan langsung taguring.
EDISI 3
Mamuai wanyi tangkainya runtun,
Wanyi dipuai di atas gunung,
Mari kita baturai pantun,
Mahaur-haur hati nang bingung.
Pucok paoh dalims batu,
Anak sambilang di tapak tangan,
Ulon jaoh pian gin jauh,
Kabilakah kawa batamuan.
Kalalawar tarbang ka hutan,
Tarbang kahutan mancari makan,
Mun ada tasalah bapapantunan,
Muhun kiranya bamaaf maafan.
Tagugur halang taranjah balam,
Wayah badua tarabangan,
Tabujur tahalang barabah di tilam,
Mangganang abang kada baguringan,
Tanam padi tanam kenanga,
Tanam jahe didalam kampit,
Sungguh dasyat virus corona,
Bagana dirumah kada baduit.
Sungguh dasyat virus corona,
Bagana dirumah kada baduit,
Diam di rumah jangan kamana,
Susah payah sama sama diarit.
Kulaan banjar dikuala lumpur,
Dapat batamuan di bukit bintang,
Bila boleh panjang umur,
CORONA hilang kami badatang.
Virus corona sudah menerjang,
Kita bersabar jangan membangkang,
Awak kurus karna dikekang,
Virus hilang hatipun sanang.
Manungkar papan untuk membangun,
Cari yang bagus dipilih pilah,
Apakah dansanak sudah terbangun,
Mari ucapkan alhamdulillah.
Pergi ke makkah untuk umrah,
Carikan ulun minyak zaitun,
Kalau dansanak ta bangun sudah,
Ayowan bamula kita bapantun.
Manukar papan gasan mambangun,
Cari nang bagus gasan pagar,
Tumatan tadi sudahai bangun,
Balum bapuat masih mamadar.
Cari kaca gasan lulungkang,
Kaca disusun batitingkapan,
Hari Salasa pian bagawian pulang,
Kami pansiunan manulakakan.
Urang pensiun almanaknya habang,
Badiam dirumah ungkang ungkang,
Amun balanja banyak bahutang,
Setiap bulan banyak yang kurang.
Hari salasa tulak bagawi,
Hari rabu libur manyapi,
Karena hari tanggal merah,
Badiam haja didalam rumah.
Jalan yang licin karena hujan,
Hujan turun adalah rahmat,
Corona datang adalah ujian,
Agar kita banyak berhitmat.
Buluh ditata diampai ampai,
Dapat Diulah sebuah kursi,
Bila balum tatamu yg sesuai,
Coba cari yang serasi.
Kursi Diulah dari buluh pipih,
Duduk badua sampai rakai,
Bila balum dapat yg pilih,
Coba badatang keamuntai.
Puhun durian rabah ka tuku,
Marakai tawing wan hatapnya,
Pantun pian jangan difutu,
Mahabisakan mimuri wan pulsa.
Puhun durian rabah ka tuku,
Marakai tawing awan hatapnya,
Ulun mamakai text on photo,
Amun barat di hapus haja.
Dua inanan walatung saga rumpun,
Saga rumpun tasipak bapa,
Dua harian ulun kada bapantun,
Taga ulun manyimak haja.
Amun ulun dasar okey,
Kanapa pian baranai haja,
Adalah pian baisi manday,
Amun ada di sanga haja.
Dua harian kada bapantun,
Taga pian manyimak haja,
Ulun ni tarasa kada purun,
Pantun ulun kada sampurna.
Puhun pakis rahat ditumis,
Daun pakat sulur barampun,
Pantun ditulis saat garimis,
Mudahan rakat banjar bapantun.
Puhun pakis rahat ditumis,
Paqad kaladi nyaman disayur,
Hati dandaman handak tatangis,
Batamu ading banikah salajur.
Uma uma balah sumangka,
Biginya hambur kadulang,
Uma uma pilih nang kaka,
Nang ading rarangan urang.
Uma uma pilih nang kaka,
Nang ading rarangan urang,
Biarlah ulun tasarah haja,
Manarima labihan nurang.
Bakul lupu batali kawat,
Cagar manajur ikan haruan,
Pacul bahu bagawi barat,
Cagar manjujur hagan tunangan.
Pohon kaladi di belakang rumah,
Banyak balalang hinggap batang,
Amun panat bahinip dirumah,
Bawa balalah diwaktu patang.
SIRI 4
Mandai asalnya kulit tiwadak,
Disana oleh umanya diyang,
Bapantun kita sampai muak,
Asalkan bisa tertawa riang.
Hati hati mun tatamu biawak,
Bisa diigut dibairnya kadarat,
Hati-hati makan bigi tiwadak,
Bisa takana nang asam urat.
Saluruh dunia siap siaga,
Karna ada bahaya korona,
Kita ini harus bajaga jaga,
Supaya talapas dari imbasnya.
Kikicak, gayam, wadai kiping,
Ada jua ngarannya mata sapi,
Sunyaan suah haja maniring,
Di sini,diBanua suah marasani.
Nyiur nya anom rahat hintian,
Gasan hinti balungan hayam,
Rahat dimana kulaan papadaan,
Basiap siap maampah malam.
Durian luruh di higa kolam,
Limbah dijatu lalu dikuyak,
Napang diulah diari malam,
Ulun ni takutan ilun tataguk.
Anak halui katuju baimpu,
Nang abah kapingin baasuh,
Lakas nya handak ka kalambu,
Handak guring batis dibasuh.
Tiwadak masak jangan diasuh,
Luku dikintip ular puraca,
Handak guring batis dibasuh,
Jangan kalumpanan tiga kul dibaca.
Kada karasanan arini Arba,
Wabak Corona masih haja,
Sudah saminggu kada kamana,
Bubuhan di Banua samakah jua.
Nyamannya Wadai Kararaban,
Dimakan badua awan umanya,
Apa habar bubuhan sabarataan,
Tarutama urang banjar Malaysia.
Nyamannya Wadai Kararaban,
Dimakan badua awan umanya,
Bubuhan kami sihat sabarataan,
Mudahan jua urang di Indonesia.
Sungguh manisnya rambutan nona,
Buahnya di buka masukan kacangkir,
Lapah ba kurung karna korona,
Bawa bazikir supaya lakas berakhir.
Marandang nasi ancap kadapur,
Mangupuk hintalo dalam gadur,
Sabalum masuk waktu Zuhur,
Mahadang pantun Galuh Singapur.
Pak Samad tu urangnya hebat,
Urang kuat Lambung Mangkurat,
Ambil waktu biar satumat,
Kirim pantun nang ampat karat.
Matan Sapat ka Tanjung Puting,
Jalannya libar kadada jumbatan,
Niat badapat lawan si ading,
Sakalinya tadapat wan nang paninian.
Amun handak maulah bahulu,
Kada pa pa di hadangi haja,
Cari haja maksudnya dahulu,
Hanyar di ulahkan pambayangnya.
Matan Sapat ka Tanjung Puting,
Jalannya libar kadada jumbatan,
Sudah badapat lawan si ading,
Langsung haja jadi pangantin.
Asam kuini buah rambutan,
Buah manggis iwak saluang,
Ulun kada wani wan takutan,
Kalo pantun tasalah sambung.
Hari hari datang ka dusun,
Anak perawan rambut digalung,
Hati hati amun bapantun,
Jangan sampai ada tasinggung.
Bapantun sambil hiburan,
Jangan sampai kada bataguran,
Untuk manghilangkan rasa galau,
Akibat korona yg bertebaran.
Bila berjalan sampai katujuan,
Makan apam dari barabai,
Bila ta salah pantun dimaafkan,
Supaya lurus yang takusai.
Tunang bahanup dirapun kuini,
Sambil makan buah ceri,
Nang miniknya nang banyak bini,
Ditukarkan saikung nang lain bahiri.
Nang miniknya nang dua bini,
Saikung di bari saikung bahiri,
Musim Corona hawat bacari,
Duit di kantong kada da lagi.
Imbah sudah waktu zuhur,
Mambaca pantun batilantang,
Ulun hadir dari Singapur,
Terimakasih Abah mahadang.
Limbah lah sudah waktu zuhur,
Mambaca pantun batilantang,
Tarima kasih budi nang luhur,
Sampai jua pantun dihadang.
Lukah dipasang baulihi limbat,
Lalu dimasaki pipinian gasan laki,
Bujurkah ramai orang manyambat,
Babinian banjar bisa maningas ka laki.
Buah ka tapi ngalih dicari,
Diulah cacapan nyaman sakali,
Tuah bini Kada hingkat dicari,
Kaya itu sayangi bini.
Garagaji natak barata,
Natak dahan puhun gurah,
Ibu haji jangan marista,
Pak Ohan bagaya narrah.
Warna hijau buah kuini,
Indah ditiring mata dipagi hari,
Mana kada maningas bini,
Dah kulir bagawi bini suruh bacari.
SIRI 5
Daun kuini jangan dicarik,
Gasan manggusuk cawan rangat,
Kayapa bini kada basarik,
Amun lakiannya pangulir bangat.
Abu Am Ust. Lahmuddin,
Tuan Guru di Kota Jambi,
Ka mana garang itu sidin,
Ayu mancangol di lakasi.
Sudah tahu kulir bagawi,
Jangan guring bamalam hari,
Sudahlah barang dirumah dibawii,
Itu narannya kada tahu diri.
Makan nasi dipinggir kali,
Sambil mangupas buah kuini,
Baisi bini kada dihargai,
Padahal bini yg bari makani.
Muntung gancang manguya mamaki,
Kada magan diulah uma tiri,
Untung batuahnya jadi laki ,
Makan pakai bini nang mambari.
Baisi bini pastilah dihargai,
Karna bini yang basasadi,
Pastinya bini disayangi laki,
Amun paksian suruhan laki.
Anak si musang mamanjat nyiur,
Nyiur dimakan tinggal sabutnya,
Maulah gangan walohnya gayur,
Sisanya pulang di ulah sarawa.
Ulam jalukap wan putat,
Basalera makan sapiring talah,
Malam tadi malam jum'at,
Ada nang kada janak guring lah.
Malam Khamis malam Jumahat,
Malam tadi guring satumat,
Turun ranjang imbah bakakat,
Mudahan malam tadi babarakat.
Awak tuha sudah ringkutan,
Kada kawa bagawi gancang,
Pantun tu cuma bagayaan,
Karna udah lawas lun bapantang.
Imbah bajamur sarapan laksa,
Galuh Banjar tasanyum simpul,
Mudah-mudahan kina ke M’sia,
Langsung balalah ka Istanbul.
Musim Corona kada bakhutbah,
Solat Zuhur haja kami bajamaah,
Mantuk asal solat bajamaah,
Pabila Corona mantukan sudah.
Ikan sapat diulah wadi,
Ikan sapat jd pakasam,
Subuh-subuh sudah mandi,
Mohon undur diri wassalam.
Papuyu baubar tuangi santan,
Dimakan oleh si anal cina,
Napa habar kulaan barataan,
Mudahab bibas matan corona.
Pohon partai dihutan balantara,
Tulak maambil dipagi hari,
Handak batatai tunda sementara,
Untuk menjaga keamanan diri.
Bagana dirumah rasa dandaman,
Nasi kuning katupat kandangan,
Di mana yuk wahai bubuhan,
Sambung lagi kita bapantunan.
Baring is boring,
Tidur is guring,
Corona is garing,
Cuntan is maling.
Ana is saya,
Anta is kamu,
Mana semua,
Cangol la dulu.
Satu is wonna,
Wonna is satu,
Nola ka mana,
Pantun la dulu.
Amun virus batukar Corona,
Banyak lah gadis jadi paruna,
Bahinip dirumah kada kamana,
Awan si diang langkar Corona.
Zaliha Awang Akhmad Tamzil,
Rancak maniring duduk di higa,
Sudah rancak pian di gawil,
Surung haja pantun nang ada.
Aishah Kudus urang Kandangan,
Makan katupan dihiga jalan,
Kanapa maka kada umpatan,
Urang rame rahat bapantunan.
Waktu Zuhur handak kamana,
Ulun ni tatap di rumah haja,
Kada bapantun maniring haja,
Hilang sadih timbul bahagia.
Kami di Malaysia rahat katantinan,
Ngalih bacari makanan halal,
Cuma Imam nang di ijinakan,
Bersama kaum wan jua bilal.
Ada haja urang nang mambawa,
Sambil balalah sambil bajalan,
Mulai Kandangan ka Malaysia,
Dari Malaysia langsung ka Thailan.
Anda sunyaan urang hebat,
Sapalihnya tu dari Loktabat,
Amun langsung ada pesawat,
Bisa kita semuanya badapat.
Si ading Nola sibuk bangat,
Tulak ka padu tu bamasak,
Zuhur masuknya waktu solat,
Mohon ulun umpat bamandak.
Biar kan masa yang lalu,
Berkubur bersama waktu,
Tinggalkan hatiku yang pilu,
Umpat sadih mangganangmu.
Bawa kelapa Gading kemana mana,
Jauh sampai ke pulau padang,
Ading manis banaran corona,
Bajalan badua ada yang mahadang.
Buah durian buah kadundung,
Dari Jakarta tulak ka Bandung,
Apa wahana bamimpi tadung,
Inya babuat ka dalam jukung.
Ka baruh manam papari,
Batas diulah awan cangkul,
Udah malam bilang pang hari,
Hanyar Busu datang bacangul.
Apik apik mangupas tungkul,
Tungkul dikupas dipahumaan,
Awal nya pian mancangol,
Sudahkah pian basarapan.
Babasuh batis kadalam wadah,
Pepaya masak diatas puhun,
Basusubuhan Busu bapapadah,
Supaya kita bijak bapantun.
SIRI 6
Buah langsat si buah duku,
Bunga mawar bunga melati,
Selamat jua papatuhanku,
Mudahan lah ceria di ini hari.
Gantung hiasan kasukaan umat,
Apik ditata bukan kapalang,
Tuntung subuh istirehat satumat,
Imbah tu solat duha pulang.
Apam putih apam habang,
Kaduanya tadi apam barabai,
Kabila jua handak badatang,
Supaya kawa duduk batatai.
Lawas sudah ulun mahadang,
Nang dihadang kada jua datang,
Tiap hari selalu mangganang,
Oh kekasih hati lakas badatang .
Pahat tumpul intang mata,
Diasah kada mau landap jua,
Rahat Corona maamuk dimarata,
Maaf kada kawa bulik ka Banua.
Jauh jauhnya si Pulau Pinang,
Handak datang kada di halang,
Mata takijimm hati mangganang,
Dandaman dinda di Banua urang.
Sampai ka kapala nafsu birahi,
itulah akibat k warung jablai,
bini dirumah kada dihirani,
duit balanja tahambur parai.
Bini dirumah kada tahirani,
Asyik lawan nang baliku liku,
Dari magrib sampai pagi,
Hilang sumbahyang tiga waktu.
Laki baiman Taubat Nasuha,
Kada tagoda lagi lawan janda,
Iman dan Islam sudah di jaga,
Sumbayang subuh sampai ka isya.
Waktu solat ka luar rumah,
Habis solat bulik ka rumah,
Di masigit kada bajamaah,
Amun tulak habis di galah.
La macca bahasa di sana,
Apa maksudnya bahasa Banjar,
Pisang Ijo nyaman rasanya,
Kayapa maulah handak balajar.
Buah kuini di balah balah,
Andak saikit di dalam cawan,
Corona nang ini jangan digalah,
Bawai bulik diulah kawan.
Andak saikit di dalam cawan,
Cawan baandak di atas guni,
Bawai bulik diulah lawan,
Lagi baik mun dijadiakan bini.
Bukan apam sembarang apam,
Apam diulah awan gula habang,
Amun handak tahu rasanya apam,
Sakali mancicipi minta pulang.
Kubur karamat laluhur banjar,
Parak sungai urang bajalan,
Saban tahun mantuk ka Banjar,
Malapas hati rasa dandaman.
Bukan apam sembarang apam,
Apam merah gula habang,
Ulun ni ibarat urang madam,
Satahun sakali tulak bailang.
Ramai orang di kota Tinggi,
Nonton joget sambil beryanyi,
Ulun kadalah bijak bestari,
Hayam jagau batanduk dikaki.
Jalan jalan ke Bukittinggi,
Sampai disana bacari bini,
Hayam laki tanduk di kaki,
Itulah dia yang disebut taji.
Karang laut dalam tangguk,
Dimasak galuh ditangah hari,
Nang anum jarang di janguk,
Diambil urang marana diri.
Karang laut dalam tangguk,
Dimasak galuh ditangah hari,
Nang anum jarang di janguk,
Labih baik hidup sandiri.
Sudah tahu awak uyuh,
Handak jua babini anum,
Kalo ai kawa manyayuh,
Madu wanyi itu dituntum.
Umai waninya batakun apam,
Kaluko apamnya kada kamir,
Senja sore salamat malam,
Limbah Isya kita mamander.
Burung pipit makan anggur,
Burung belibis lain lah punai,
Mapa kada sidin manganggur,
Kantongnya karing duitnya laai.
Tahun hadapan baanak hanyar,
Nang bini ampih bamamai,
Tabalurut jua tali salawar,
Mambari makan anaknya ramai.
Ganteng Busu maalahkan Hindi,
Ka Martapura manukar intan,
Kayapa dangsanak dipagi ini,
Napa dimakan gasan sarapan.
Burung pipit makan anggur,
Burung balibis lainlah punai,
Jadi laki jangan manganggur,
Supaya bini kada bamamai.
Tulak balalah rumah karumah,
Sambil basurah bahasa banjar,
Pagi patang maungut dirumah,
Nginum kopi awan apam banjar.
SIRI 7
Ruti lunta Si Jalawurai,
Roti jalanya di Malaysia,
Hati riang lagi lah arai,
Dangsanak ada digrup jua.
Ruti jalanya di Malaysia,
Wadai putu hintalu dadar,
Indonesia awan Malaysia,
Barsatu kita sasama Banjar,
Sarapan pagi awan nasi,
Dua piring antal jar lagi,
Amun sudah habis nasi,
Kinummah lagi banyu kupi.
Masigit Raya di Pekanbaru,
Kubahnya pula warna biru,
Kaduanya tu rasa pinandu,
Suah jumpa waktu dahulu.
Tinggi mancuir pukuk kapok,
Sarapan pagi makan durian,
Ambung tinggi jatuh mandabuk,
Supan ulun nu pujian pian,
Mama Hadran rancak bamamai,
Awan lakinya wani babanar,
Urang bibini banyaki baranai,
Latih diri lah supaya basabar.
Urang bibini banyaki baranai,
Latih diri lah supaya basabar,
Kaya apa bini kada bamamai,
Karna bininya kada panyabar.
Tulak pasar mambawa raga,
Raga ku diisi awan hintalu,
Dua harian ni barabah haja,
Napakah awak asa pina layu.
Timun kustila diatas kayu,
Bawa bulik gasan dimakan,
Mun awak sudah pina layu,
Lalu kamana malanjutakan.
Adanya katil adanya tilam,
Adanya siang ada malam,
Amun batamo kirim salam,
Kamana tulak pian bamadam.
Umanya hadran ba cocok tanam,
Tulak pagi bulik patang,
Kaya apa hati kada mandandam,
Baisi laki banyak batandang.
Curiak burung pialing,
Bahinggap dikayu jati,
Bakuriak mata manciling,
Tali salawar tajarat mati.
Landak haraguan atas watun,
Hanyar ranakan baluman bagigi,
Bamandak kita bapuisi bapantun ,
Imbah asar ayu sambung lagi.
Kapada nang hanyar pinandu,
Keduanya mereka Banjar Asli,
Pak Lahmudi tu di Pakanbaru,
Ust Lahmuddin di Kota Jambi.
Dapat di Kuala Indragiri,
Sampan sarat baisi paun,
Sabanlah hari ulun bacari,
Deda istilah LAUK DAUN.
Urang hindu malombong timah,
Simpani sandal di higa punggur,
Dua minggu bahinip di rumah,
Rambut tabal manjadi lungur.
Simpani sandal di higa punggur,
Dibuat pulang ka dalam uncang,
Rambut tabal manjadi lungur,
Janggut tu pang sian bapanjang.
Bahintaluan si iwak kelah,
Anak buhaya muntungnya wawah,
Bahaharian bahinip di rumah,
Kulaan sabarataan panya diulah?
Mon kakuala Indragiri,
Singgah satumat di tembilahan,
Mon kadaturun bacari,
Kadagabul pengawahan.
Iwak haruan di pungkar sana,
Anak itik di higa palantar
Patuhi aturan hindar corona,
Guring wan bini jarak sameter.
Anak itik di higa palantar,
Ditangkapi oleh si Palui,
Guring wan bini jarak sameter,
Kayapa dapat baanak halui?
Bajalan malam pakai senter,
Tahaga ular dalam balukar,
Mun gurin wan bini jarak semester,
Kada hingkat lagi tangan bahahar.
Guringan malam pakai senter,
Pajah senter tangan bahahar,
Kalian sabarataan napa habar,
Kami dirumah kada kaluar.
SIRI 8
Kami disini handak jua bahabar,
Amunnya kaluar tapi didalam,
Biar lah dirumah kada kaluar,
Mangipung haja diari malam.
Lalampar awan garutuk,
Parut lapar mata mangantuk,
Masuk kamar lawang sunduk,
Maka aman sampai isuk.
Bakayuh jukung ka Martapura,
Tadapat rombong bajualan kopi,
Virus corona nang marajalela,
Nyaman bahinip malukupi bini.
Lawan kakawalan ngalih tadapat,
Apabila dilakukan opsi lock down,
Nyawan jua babini ampat,
Paling nyaman wan bini anum.
Parak Zuhur masuknya balom,
Makan bubur giginya kilom,
Sudah hai tarasa babini anom,
Nyamanlah lagi nyiur anom.
Kaluar pagi buliknya patang,
Ari pula panas manggantang,
Kun fayakun hatap talo bidang.
Hakun da hakun tatap dihadang.
Nyaman jua babini ampat,
saban malam diatas parut,
jangan jua pina baharat,
kalu pina awak jadi ringkut.
Bini anum baluman puas,
Takurihing handak kadua,
pinggang laki sdh takuras,
balum maminum jamu jawa.
Ngalih jua ai babini ampat,
Saban malam dahi bakarut,
Dasar kaampat katuju bakarat,
Mapa tida itu pang hakikat.
Urang sugih babini ampat,
Tanda sidin mampu dan kuat,
Si miskin handak jua Umpat,
Malumu jari sampai kumat.
Urang alim babini dua,
Tanda sidin ikut Sunnah,
Mamalihara badan dari zina,
perbanyak ummat Rasulullah.
Handak banar bapoligami,
takut katahuan bini tuha,
kawa ai luku basambunyi,
katahuan bini bangkak muha.
Tantaran mangalau umpan katak,
Taulihi haruan muntung tanganga,
Bujuran handak kada usah bapatak,
Hambur duit awan tuliakan talinga.
Ambil niur tinggalkan sabut,
Sabut dibuat ka kataraan,
W'salam, salam disambut,
Salamat bapinanduan awan kulaan.
SIRI 9
Sabut dibuat ka kataraan,
Nyaman hayam bahintalu barata,
Salamat bapinduan kita kulaan,
Lun Angah Taha matan Malaysia.
Aruh ganal d Samarinda,
Bukti KBB dimana mana,
Rami banar ujar barita,
Minta maaf kada kasana.
Air dalam satinggi dada,
Laut ganal banyak galumbang,
Arul ganal di Samarinda,
Handak tulak kada diundang.
Aruh Ganal di Samarinda,
Ada undangan, kada kawa,
Ngarannya rajaki kada ada,
Sama ibarat kita ni batiga.
Aruh ganal di Samarinda,
Ada undangan atawa kadada,
Kada wani jua mandatanginya,
Takutan tapapar virus kuruna.
Good morning salamat pagi,
Nasi gorengnya balauk wadi,
Bangun guring gosoklah gigi,
Ayo kita bapantunan lah lagi.
Kucing marau mancari bini,
Bukah anak nang mamaraki,
Napa dimakan sarapan pagi,
Bisakah maulah wadai bahari.
Puhun lakum di tungkaran,
Buah hampalam manis rasa,
Assalamualaikum kulaan barataan,
Sambutlah salam hari salasa.
Buah humpalam manis rasa,
Mari diandak di atas papan,
Sambutlah salam hari salasa,
Agak2 pagi nie panya sarapan?
Mari diandak di atas papan,
Papan jati kuning warna,
Apa gin haja gasan sarapan,
Jagalah diri matam korona.
Maulah pantun kada barika,
Umpatan balajar supaya bisa,
Saja banaran lah ujar andika,
Marilah kita jauhi dari Corona.
Bulan hadapan kita puasa,
Siapkan diri siapkan minda,
Tempuhi ujian yang maha esa,
Tetapkan iman ilmu didada.
Amun handak manukar tanggiri,
Tulakan ka pasar jangan bajurut,
Malanggar pantang urang bahari,
Ada nang bahuntut ada baburut.
Alphabets start with ABC,
Numbers start with 1 2 3,
Songs start with do re mi,
Love starts with U and me.
When love start grow call darling or sweet heart
After year married call mum or pup
When love become away call u and me start
After not suitable & break call bastard
Noughty monkey jumps off a branch,
From tree to tree it seem easy,
Unluckily nowadays dating we can't,
Because of 'stay at home' policy.
Egg is telur and stick is kayu,
When I tidur teringat kat you.
The whole day playing with sheep,
Ayam patuk and itik menyudu,
Neither can eat nor can sleep,
Keep on remembering of you.
A little effort has its return
A little compaint has its return
Human’s emotion is complex
But all can be solved when we relax
Mumtaz prefers coffee and tea,
Seven monkeys are up on tree,
My love is deep like the Red Sea,
So powerful that you cannot see.
If you are alone I am your shadow,
If you want to cry, on my shoulder,
If you want to sleep I'll get a pillow,
If you need something I am a helper.
Assalamu'alaikum ulun sampaikan,
Buat sampiyan seberataan,
Semoga selalu dalam keselamatan,
Rahmat Allah tiada berkesudahan.
Matan Banjarbaru ulun sampaikan ,
Salam santun tanda kulaan,
Mudahan pian sudah bangunan,
Talam baisi wadai sumapan.
Waalaikumussalam ulun jawabkan,
Tanda kita urang beriman,
Kita sabarataan adalah kulaan,
Samoga silaturahim kita dikakalkan.
Tukang pandai nampa talewang,
Gasan manabang puhun carmi,
Sangaja ulun kirim pantun berbilang,
Untuk menyambung tali silaturahmi.
Buah kuini manis rasanya,
Banyak ditanam di pulau palas,
Badiam dirumah lawas rasanya,
Segeralah corona lakas balapas.
Gumbili anjir hapuk dimamah,
Wadah antin ambil gumbili,
Ambil hikmahnya diam d rumah,
Ibadah rutin la ncar tagawi.
Buah katapi Diulah cacapan,
Diulah pulang awan balacan,
Badiam dirumah sudah aturan,
Semoga kita sehat sabarataan.
Patang hari karumah julak,
Disurungi sidin sacawan kopi,
Semoga korona ancap tulak,
Awak nyaman tulak bagawi.
Karumah julak disurungi kopi,
Bapasangan wan Gambung bahinti,
Wahini was2 handak tulak bagawi,
Pirus korona asa maumpati.
Ikan patin ganal masukan ke karung,
Tangkapan kulaan di malaysia,
Sagin aruhan bubuhan sakampung,
Sedikit sadikit smuanya marasa.
Badiam dirumah sudah aturan,
Semoga kita sehat barataan,
Walaupun kita masih liburan,
Di rumah hajalah badiamanan.
Urang cina malombong timah,
Babawa bakal si ikan patin,
Nyaman banar bakurung di rumah,
Rasa rasanya kaya pangantin.
Babawa bakal si ikan patin,
Makanya pulang di palantaran,
Rasa rasanya kaya pangantin,
Sayangnya umur udah 70-an.
Makannya pulang di palantaran,
Burung puyuh babukahan,
Sayangnya umur udah 70-an,
Malam uyuh pagi ringkutan.
Kainnya kain sasirangan,
Baisukan malipat kain,
Doa bersama kita barataan,
Alhamdulillah sehat aamiin.
Hari ini kamis minggu pertama,
Esok jum at hari mulia,
Serasa miris melihat berita,
Virus corona pina merajalela.
Ada dadaian di tungkaran,
Talinya diikat di puhun sana,
Mudahan wagas kulaan barataan,
Dilindungi matan virus corona.
Nyamannya si iwak patin,
Jangan diandak di higa watun,
Satangah bulan kana kurintin,
Hiburkan hati awan bapantun.
Ada katil kada batilam,
Ada bantal gugulingan,
Ni ulun mambari salam,
Marilah kita bapantunan.
Ikan saluang mandi dilaut
Kana galumbang taulai buntut
musim korona jangan taungut
Pikir positive hilang rasa takut
3,2,5,1
6,7,8,9
Sudah lama nunggu,
Tiada jua kepastian.
Makan jamur sadang dijamur,
Kulat karirit ngarannya dibari,
Jangan lawas pian bajamur,
Kaina jurang bahari latat ari.
Imbah haja wabah Corona,
Bakunjung aja wadah ulun,
Datangan kaina ka Malaysia,
Gasan acara babalas pantun.
Akibatnya dilanda wabah Corona,
Sunyaan kita habis di kuarantina,
Sekarang sudah di marata dunia,
Sakulah kantor diliburkan samua.
Babat kain wan tali rafia,
Bawa tulak ka pasar arba,
Akibat adanya wabah corona,
Gawean jdnya makan guring haja.
Akibat corona kami dirumahkan,
Handak kaluar kada di bulihkan,
Bagaimana bisa mancari makan,
Bantuan pamarintah kada diberikan.
Akibat corona kami dirumahkan,
Handak kaluar kada di bulihkan,
Bantuan pamarintah kada diberikan,
Kaluku kaina bisa kabuluran.
Ikan senangin wan ikan bulanak,
Goreng karing nyaman dimakan,
Dirumah kada manambah anak,
Sambil mangaji mambaca Quran.
Salam hangat gasan samuanya
Diambili kawan tulak ke Malaysia
Malam jumahat di rumah haja
Gumbili bajarang pupulurannya
Malam jumahat di rumah haja,
Gumbili bajarang pupulurannya,
Amun kaina ada labihannya,
Kawa ai kaina manapaikan haja.
Gumbili bajarang pupuluranya,
Ambil di warung bayar duitnya,
Pinanya kdd labihanannya,
Manjarang tadi sadikit haja.
Gumbili bajarang pupuluranya,
Ambil di warung bayar duitnya,
Pinanya kdd labihanannya,
Biar haja kaina andudi haja.
Edisi 11.
Puhun lakom di tungkaran,
Wadah urang manggantung baju,
Assalamualaikum kulaan barataan,
Sambut pang salam hari Sabtu.
Wadah urang manggantung baju,
Ada jua manggantung kalum,
Sambut pang salam hari Sabtu,
Sudah basarapan kah balum?
Anak cina mangatam papan,
Papannya karas kayu saraya,
Amun pian tangah sarapan,
Diganang jua ulun di siya.
Puhun rambutan di tungkaran,
Ada urang manggantung baju,
Waalaikumus salam barataan,
Salam disambut di pagi Sabtu.
Gasan urang mandadai baju,
Urangnya tuha sudah kilum,
Solat dhuha mamuruk baju,
Limbahnya hitu lun minum.
Anak Cina mangatam papan,
Papannya karas kayu saraya,
Ulun masih tangah sarapan,
Sarapan pagi nasi basanga.
Dikiyau baparak higa kalutuk,
Covid Corona masih maucil,
Hindarilah garing awan batuk.
Hujan garimis di patang hari,
Nyaman guring bantal tabalik,
Ading manangis apa yg dicari,
Abang manggatal kada bulik.
Wadai apam nyaman rasanya,
Dimakan lawan nyiur baparut,
Jauhilah lakasi sivirus corona,
Nasihat dokter handak diturut.
Kian hari pang kada tarasa,
Satumat lagi bulannya puasa,
Pian badoa amat khusuknya,
Ulun disini me_aminkan jua.
Hujan garimis di pagi hari,
Habis basah badan sakujur,
Abang manggatal kada bulik,
Karana hatinya kada taurus.
SAJAK PILIHAN.
*NISFU SYA’BAN 1441*
Nisfu Sya’ban, anu ai,
Nang puasa, puasa,
Nang kada, kada.....
Puasa sunat haja,
Kada wajip kada,
Nang kada puasa diganang nang puasa.
Nang puasa, Alhamdulillah...
Nang kada puasa, baranai haja....
Sarana makan-nginum parak nang puasa,
Nang puasa, baingat jua....
Sarana manyariki nang kada puasa,
Baarit sarabanya.
Nisfu Sya’ban, anu ai
Sadang bararanai,
Nang baisi uncui salanjung, bararanai ha,
Garabak bihi nang singkip, damintu jua
Di dunia parahatan turun bala,
Kada tunggal di Banua atawa Malaysia.
Nang Kalua, madam ka Malaya.
Sama sama marasa,
Hindari bala' wal waba'
Sarana balalakun, baidabul nang kada-kada.
Nisfu Sya’ban, anu ai
Sarana balalah
Balinjang
Raunan
Handauran
Kalusuran
Bakunjangan
Baramian
Maginnya manggawi nang kada kakaruan
Kalu kapuhunan !
Nang bacari di luar rumah, lain pulang kisah
Sapamatuk-sapangikih, maambil umpah
Bajual bahu, bapikulan, bajualan
Balanjung
Ada nang bajunjungan...
Amun kada bacari, kada makan
Nisfu Sya’ban, anu ai
Sasadangnya ai
Sadang baingat diri
Ingat hidup sabalum mati.
Hidup kada lawas..... Amun mati ada jua nang mangganang.
Amun kada kakawalan nang di rumah barang.
Bawa baingat bubuhannya ay.
Anum mati.
Tuha layar jiun.
Sigar pajah.
Uyuh jingkar.
Barilaan haja.
WAJA SAMPAI KA PUTING.
Dalas hangit.
Haram manyarah.
Amas mirah intan sakarat
ReplyDeleteKapal di laut rumah di darat
Mambarabak pandir umai harat
Tapih bakarut baju bajarat
Amas mirah intan saupih
Dibawa Timanggung mantuk ka hilir
Kada bajahit tangahannya tapih
Duduk mancangkung dibawah mancuir
Amas mirah intan sabalanga
Balanganya pulang kada batutup
Semuanyaannya tahu ilah sarjana
Sadangnya Sidin buta hurup
Amas mirah intan sakindai
Bawa balalah ka wadah ading
Asyik bapandir pina marudai
Wadai di piring ditanggung kucing
Amas mirah intan sajukung
Mudik ka hulu garusukan
Lawas bapandir kada bahujung
Sadangnya parut garurukan
Khairul Amri, 7 September 2017